امیٹھی، 20 اپریل (ہ س)۔ امیٹھی کے سپرنٹنڈنٹ آف پولیس سرونن ٹی کی ہدایت کے تحت چلائے جا رہے آپریشن چکرویہ کے تحت پیر کی صبح سنگرام پورتھانہ پولیس اور سواٹ کی ٹیم کی مشترکہ کارروائی میں ایک شاطر ہسٹری شیٹر چور کو انکاؤنٹر کے بعد گرفتار کیا گیا۔

گرفتار ملزم کی شناخت شانی پانڈے عرف سبھاش پانڈے (28 سال) ولد شمبھونتھ پانڈے ساکن گھسیاون پانڈے کا پوروا، مجرا بیلکھری، سنگرام پور تھانہ، امیٹھی ضلع کے طور پر کی گئی ہے۔ ملزم کے قبضے سے ایک پستول، ایک خالی کارتوس، ایک زندہ کارتوس (12 بور)، چوری کی گئی بیٹری، ایک شاک مشین اور واردات میں استعمال ہونے والی موٹر سائیکل برآمد کر لی گئی۔

اس سلسلے میں امیٹھی کے ایڈیشنل سپرنٹنڈنٹ آف پولیس گیانیندر کمار سنگھ نے بتایا کہ ملزم ایک سرگرم بدمعاش ہے اور اس کے خلاف پہلے بھی کئی مجرمانہ مقدمات درج ہیں۔ پولیس کی جانب سے مزید قانونی کارروائی کی جا رہی ہے۔

ہندوستھان سماچار

ہندوستان سماچار / محمد شہزاد