سرینگر، 18 اپریل (ہ س): فورس کے اندر نظم و ضبط کو برقرار رکھنے کے لیے ایک مضبوط کارروائی میں، سینئر سپرنٹنڈنٹ آف پولیس (ایس ایس پی) اننت ناگ نے ایک اسپیشل پولیس آفیسر (ایس پی او) کو منشیات کے ایک معاملے میں ملوث ہونے پر برطرف کردیا۔ تفصیلات کے مطابق ایس ایس پی اننت ناگ نے ایک اسپیشل پولیس آفیسر (ایس پی او) محمد اشرف ملک ولد محمد رمضان ملک ساکن کچل، کشتواڑ کو برطرف کردیا ہے۔ مذکورہ ایس پی او پولیس اسٹیشن دیوسر میں این ڈی پی ایس ایکٹ کی دفعہ 8/20 کے تحت درج مقدمہ ایف آئی آر نمبر 57/2023 میں ملوث پایا گیا تھا۔ مذکورہ معاملے میں اس کے ملوث ہونے کا سنجیدگی سے نوٹس لیتے ہوئے، محکمے نے مناسب کارروائی شروع کی، جس کے نتیجے میں اسے ملازمت سے برخاست کردیا گیا۔ اننت ناگ پولیس اپنے اہلکاروں کے ذریعہ کسی بھی قسم کی بد سلوکی یا غیر قانونی سرگرمیوں میں ملوث ہونے کے خلاف صفر رواداری کی پالیسی برقرار رکھتی ہے۔ محکمہ قانون کی حکمرانی کو برقرار رکھنے اور ہر سطح پر احتساب کو یقینی بنانے میں ثابت قدم ہے۔ ہندوستھان سماچار

ہندوستان سماچار / Aftab Ahmad Mir