نوئیڈا، 16 اپریل (ہ س) غازی آباد کے کناونی گاو¿ں سے لاپتہ ہونے والے آٹھ سالہ لڑکے کی لاش آج صبح نوئیڈا کے سیکٹر 63 تھانہ علاقہ میں دریائے ہنڈن میں ملی۔ سیکٹر 63 پولیس نے لاش کو تحویل میں لے کر پوسٹ مارٹم کے لیے بھیج دیا ہے۔

سیکٹر 63 پولیس اسٹیشن کے انچارج انسپکٹر امیت کاکران نے جمعرات کو بتایا کہ غازی آباد کے کناونی گاو¿ں کے رہنے والے اوم ویر کا آٹھ سالہ بیٹا 14 اپریل کی شام سے لاپتہ تھا۔ وہ اپنے دوستوں کے ساتھ دریائے ہنڈن میں نہانے گیا تھا۔ اس کے دوست واپس آگئے لیکن وہ واپس نہیں آیا۔ انہوں نے بتایا کہ ان کے اہل خانہ نے اندرا پورم پولیس اسٹیشن میں شکایت درج کرائی ہے۔ انہوں نے بتایا کہ سورج کی لاش آج سیکٹر 63 علاقے میں چھوٹی پور کالونی کے قریب سے ملی۔ انہوں نے بتایا کہ پولیس تھانہ نے لاش کو تحویل میں لے کر پوسٹ مارٹم کے لیے بھیج دیا ہے۔ اسٹیشن انچارج نے بتایا کہ اس معاملے میں مزید کارروائی غازی آباد ضلع پولس کرے گی۔ دریں اثنا، اندرا پورم کے اسسٹنٹ پولس کمشنر ابھیشیک سریواستو نے کہا کہ موت کی اصل وجہ پوسٹ مارٹم رپورٹ آنے کے بعد ہی بتائی جائے گی۔ انہوں نے کہا کہ اہل خانہ کی شکایت پر مزید کارروائی کی جا رہی ہے۔

---------------

ہندوستان سماچار / عبدالسلام صدیقی