ممبئی ، 16 اپریل (ہ س)۔ مہاراشٹر کے پالگھر ضلع کے بوئسار علاقے میں واقع تاراپور ایم آئی ڈی سی کی نندولسا انڈسٹریز میں بدھ کی صبح تقریباً 10:30 بجے بوائلر سے جڑا ایک سنگین حادثہ پیش آیا، جس میں ایک مزدور شدید طور پر جھلس گیا۔اطلاعات کے مطابق اسٹیِم ڈرائر میں اچانک دباؤ بڑھ جانے کے باعث آتش گیر کیمیکل باہر نکل آیا اور بوائلر کا ڈھکن کھلتے ہی حادثہ پیش آیا۔ اس حادثے میں ہریش چندر نامی مزدور بری طرح جھلس گیا، جسے فوری طور پر علاج کے لیے ٹنگا اسپتال میں داخل کرایا گیا، جہاں اس کی حالت تشویشناک بتائی جا رہی ہے۔ واقعے کی اطلاع ملتے ہی پولیس اور فائر بریگیڈ کی ٹیمیں موقع پر پہنچ گئیں اور صورتحال کو قابو میں لیا گیا۔ابتدائی تحقیقات میں بوائلر کے پریشر کنٹرول سسٹم میں خرابی کا شبہ ظاہر کیا جا رہا ہے، جبکہ فیکٹری میں حفاظتی اصولوں کی پابندی پر بھی سوالات اٹھنے لگے ہیں۔ اس واقعے کے بعد پورے صنعتی علاقے میں خوف و ہراس پھیل گیا ہے اور حکام نے حادثے کی مکمل جانچ شروع کر دی ہے۔ہندوستھان سماچار

ہندوستان سماچار / جاوید این اے