سکھ مذہب کی تاریخ میں 15 اپریل کا دن خصوصی اہمیت رکھتا ہے۔ اسی دن سکھ مذہب کے بانی گرو نانک دیو پیدا ہوئے تھے۔ وہ 15 اپریل 1469 کو تلونڈی رائے بھوئی میں پیدا ہوئے، جسے آج ننکانہ صاحب کے نام سے جانا جاتا ہے۔ ان کے والد مہتا کالو اور والدہ ترپتا نے ان کا نام نانک رکھا، جو آگے چل کر پوری دنیا میں روحانی رہنما کے طور پر معزز بنے۔

گرو نانک دیو جی نے اپنی زندگی میں انسانیت، مساوات اور مذہبی ہم آہنگی کا پیغام دیا۔ انہوں نے ذات پات، تفریق اور توہم پرستی کی مخالفت کرتے ہوئے ایک ایسے معاشرے کا تصور پیش کیا، جہاں تمام مذاہب اور طبقات کے لوگ مل کر امن اور بھائی چارے کے ساتھ رہ سکیں۔ انہوں نے مختلف زبانوں کا علم حاصل کیا اور اپنے پیغام کو پھیلانے کے لیے ہندوستان سمیت کئی ممالک کے سفر کیے، جنہیں ’اداسیاں‘ کہا جاتا ہے۔ ان کی تعلیمات نے سکھ مذہب کی بنیاد رکھی اور آج بھی کروڑوں لوگ ان کے خیالات سے تحریک حاصل کرتے ہیں۔ ان کی زندگی اور پیغام نہ صرف سکھ برادری بلکہ پوری انسانیت کے لیے مشعلِ راہ مانا جاتا ہے۔

دیگر اہم واقعات:

1689 - فرانس نے اسپین کے خلاف جنگ کا اعلان کیا۔

1976 - ہندوستان نے 15 سال میں پہلی بار بیجنگ میں اپنا سفیر بھیجنے کا اعلان کیا۔

1980 - چھ غیر سرکاری بینکوں کو نیشنلائزڈ کیا گیا۔ اس سے پہلے بھی کچھ بینک اسی طرح نیشنلائزڈ کئے گئے تھے۔

1981 - پاکستان ایئرویز کے اغوا شدہ بوئنگ 720 طیارے کو دو ہفتوں کی کوششوں کے بعد شام میں چھڑا لیا گیا۔ اس جہاز اور اس میں سوار 147 افراد کو چھڑانے کے لیے حکومتِ پاکستان کو جیل میں بند 54 افراد کو رہا کرنا پڑا۔

1994 - ہندوستان سمیت 109 ممالک کے ذریعے ’گیٹ‘معاہدے کی منظوری۔

1998 - تھمپی گرو کے نام سے مشہور فریڈرک لینج کا انتقال۔

1999 - پاکستان کی سابق وزیراعظم بے نظیر بھٹو اور ان کے شوہر آصف علی زرداری کو سرکاری ٹھیکوں میں دلالی کے الزام میں پانچ سال قید کی سزا۔

1999 - پاکستان نے ایٹمی صلاحیت کے حامل اپنے دوسرے میزائل شاہین-1 کا تجربہ کیا۔

2000 - دہشت گردی سے نمٹنے کے لیے تعاون کی اپیل کے ساتھ جی-77 سربراہی کانفرنس ہوانا میں منعقد ہوئی۔

2004 - راجیو گاندھی قتل کیس سے منسلک لٹے عسکریت پسند وی مرلی دھرن کو کولمبو میں قتل کر دیا گیا۔

2008 - راجیہ سبھا کے چیئرمین محمد حامد انصاری نے بجٹ سیشن کے دوسرے مرحلے کے پہلے دن نو منتخب 55 ارکان میں سے 50 کو حلف دلایا۔

2008 - ہندوستانی نژاد کینیڈین وزیر دیپک اوبراے کو افغانستان پر تشکیل دی گئی کینیڈین پارلیمنٹ کی خصوصی کمیٹی کا رکن منتخب کیا گیا۔

2010 - ہندوستان میں تیار کردہ پہلے کرائیوجینک راکٹ جی ایس ایل وی-ڈی3 کی لانچنگ ناکام ہوگئی۔

پیدائش

1940 - ہندوستان کے مشہور سارنگی نواز اور کلاسیکی گلوکار سلطان خان کی پیدائش۔

ہندوستھان سماچار

---------------

ہندوستان سماچار / انظر حسن