امپھال ، 12 اپریل (ہ س)۔ منی پور پولیس اور سیکورٹی فورسز پورے علاقے میں مسلسل تلاشی مہم چلا رہے ہیں۔ 10 اور 11 اپریل کو ریاست بھر میں کئی آپریشن کیے گئے۔ جس کے نتیجے میں، بنکر تباہ کیے گئے ، ہتھیار اور دھماکہ خیز مواد ضبط کیا گیا، اور دو افراد کو الگ الگ مقدمات میں گرفتار کیا گیا۔

اتوار کو جاری کردہ ایک سرکاری بیان میں، منی پور پولیس ہیڈ کوارٹر نے کہا کہ 11 اپریل کو سکی بنگ میں 14 بنکرز اور اکھرول ضلع کے لٹن پولیس اسٹیشن کے تحت مونگ کوٹ چیپو گاو¿ں میں سات بنکر تباہ کر دیے گئے۔ ان مقامات سے گیارہ خالی خول بھی برآمد ہوئے ہیں۔ اسی طرح ، 10 اپریل کو، پولیس نے بیہانگ پولیس اسٹیشن کے تحت ہیانگٹن گاو¿ں سے چورا چند پور ضلع کے وینگنوم سنگنایت کے دو رہائشیوں کو گرفتار کیا۔ ملزمین، جن کی شناخت ایچ کامتونموانگ (50) اور پالیان لال ( 49) کے طور پر ہوئی ہے، کے قبضے سے 45 پلاسٹک کے صابن کے برتن برآمد ہوئے ہیں جن میں براو¿ن شوگر ہے۔ ایک ماروتی جپسی ، دو موبائل فون اور دو بیگ بھی ضبط کیے گئے۔ 11 اپریل کو ایک اور کارروائی میں، سیکورٹی فورسز نے ٹینگنوپل ضلع کے مورہ پولیس اسٹیشن کے دائرہ اختیار میں ماوجنگ، لیبنگ ، گونوم، اور ٹی خونوجنگ کے ٹریجنکشن علاقے سے دو 9 ایم ایم پستول مع میگزین اور 13 دیسی ساختہ بم برآمد کیا۔ دھماکہ خیز مواد کو موقع پر ہی تباہ کر دیا گیا۔ دو جنگی وردیاں ، جنگل کے جوتوں کا ایک جوڑا، اور ایک بیگ بھی برآمد ہوا۔ پولیس نے کہا کہ یہ کارروائیاں ریاست میں شورش اور غیر قانونی سرگرمیوں کو روکنے کے لیے جاری کوششوں کا حصہ ہیں۔

ہندوستھان سماچار

ہندوستان سماچار / Mohammad Khan