امیٹھی ، 12 اپریل (ہ س)۔ ہفتہ کی صبح پولس انتظامیہ نے اتر پردیش کے امیٹھی ضلع کے بھدر بلاک کے تحت نرہر پور گاو¿ں میں بغیر اجازت کے سرکاری زمین پر بنائے گئے چبوترے کو ہٹا دیا۔ اس کے بعد گاو¿ں کے لوگ جمع ہوئے اور دوبارہ چبوترا بنایا اور اس پر بابا صاحب بھیم راو¿ امبیڈکر کا مجسمہ نصب کیا۔ گاو¿ں والوں نے پولیس انتظامیہ پر پتھراو¿ کیا جو اسے ہٹانے آئی تھی۔ اس معاملے میں انتظامیہ نے ایک درجن افراد کو حراست میں لے کر پوچھ گچھ شروع کر دی ہے اور 19 نامزد اور 40 سے 50 نامعلوم افراد کے خلاف مقدمہ درج کرنے کے بعد ضروری قانونی کارروائی جاری ہے۔

ایڈیشنل سپرنٹنڈنٹ آف پولیس گیانیندر کمار سنگھ نے اتوار کو بتایا کہ امبیڈکر جینتی سے پہلے، نرہر پور گاو¿ں میں 132 ایکڑ مختص زمین، جسے مخصوص زمین کے طور پر نامزد کیا گیا ہے، مردہ جانوروں کو دفنانے اور کھال اتارنے کے لیے استعمال کیا جاتا ہے۔ اس زمین پر گاو¿ں والوں نے اکٹھا ہو کر کچا چبوترہ بنا کر زمین پر ناجائز قبضہ کر لیا۔ پولس انتظامیہ نے اسے ہفتہ کو جے سی بی کے ذریعے ہٹا دیا۔ اس کے بعد مشتعل گاو¿ں والوں نے فوراً ایک اور چبوترہ بنایا اور اس پر بابا صاحب امبیڈکر کا مجسمہ نصب کر دیا۔ اطلاع ملتے ہی نائب تحصیلدار اور ایس ڈی ایم کئی تھانوں کی فورسز کے ساتھ جائے وقوعہ پر پہنچے۔ انہوں نے بابا صاحب امبیڈکر کے مجسمے کو قبضے میں لے لیا اور ان لوگوں کو حکم دیا جنہوں نے مورتی کو سرکاری زمین پر نصب کیا تھا بغیر اجازت کے وہاں سے چلے جائیں۔ اس دوران گاو¿ں والوں نے پولیس پر پتھراو¿ کیا، جس کے نتیجے میں پولیس افسران اور ریونیو اہلکاروں دونوں کو معمولی چوٹیں آئیں۔

اے ایس پی نے بتایا کہ واقعے کے بعد 12 افراد کو حراست میں لیا گیا ہے اور ان سے پوچھ گچھ کی جا رہی ہے۔ اس کے ساتھ ہی، رام گنج پولس اسٹیشن میں ایک ریونیو اہلکار کی شکایت کی بنیاد پر، پولیس نے 19 نامزد اور 40 سے 50 نامعلوم بدمعاشوں کے خلاف مقدمہ درج کیا ہے، اور ضروری قانونی کارروائی کی جارہی ہے۔ جائے وقوعہ پر لی گئی ویڈیو کی بنیاد پر پولیس دیگر افراد کی شناخت کے لیے بھی کام کر رہی ہے۔

ہندوستھان سماچار

ہندوستان سماچار / Mohammad Khan