ممبئی سے ہاوڑہ کے درمیان دو خصوصی ٹرین سروسز کا اعلان

ممبئی ، 11 اپریل (ہ س) گرمیوں کے موسم میں بڑھتی ہوئی مسافروں کی بھیڑ کو مدنظر رکھتے ہوئے سینٹرل ریلوے نے ممبئی کے لوک مانیہ تلک ٹرمینس اور ہاوڑہ کے درمیان دو اضافی خصوصی ٹرین سروسز چلانے کا اعلان کیا ہے، تاکہ مسافروں کو سہولت فراہم کی جا سکے۔ تفصیلات کے مطابق ٹرین نمبر 01145 لوک مانیہ تلک ٹرمینس–ہاوڑہ خصوصی ٹرین 14 اپریل 2026 کو رات 20:15 بجے ممبئی سے روانہ ہوگی اور تیسرے دن صبح 06:00 بجے ہاوڑہ پہنچے گی۔

اسی طرح ٹرین نمبر 01146 ہاوڑہ–لوکمانیہ تلک ٹرمینس خصوصی ٹرین 16 اپریل 2026 کو دوپہر 14:45 بجے ہاوڑہ سے روانہ ہو کر اگلے دن رات 23:45 بجے ممبئی پہنچے گی۔ یہ ٹرینیں ٹھانے، کلیان، ناسک روڈ، بھساول، اکولا، بدنیرا، ناگپور، گونڈیا، درگ، رائے پور، بلاسپور، جھارسوگڑا، راؤرکیلا، چکردھرپور، ٹاٹانگر، کھڑگپور اور سانتراگاچی سمیت کئی اہم اسٹیشنوں پر رُکیں گی۔

ٹرین کی ساخت میں 2 اے سی سیکنڈ کلاس، 9 اے سی تھرڈ کلاس، 3 سلیپر کوچ، 4 جنرل سیکنڈ کلاس کوچ، ایک گارڈ بریک وین اور ایک جنریٹر وین شامل ہوگی۔ ریلوے حکام کے مطابق ٹرین نمبر 01145 کے لیے ریزرویشن 12 اپریل 2026 سے تمام کمپیوٹرائزڈ ریزرویشن مراکز اور سرکاری ویب سائٹ پر شروع ہوگا۔

ہندوستھان سماچار

--------------------

ہندوستان سماچار / جاوید این اے