جموں, 11 اپریل (ہ س)جموں کے ارنیا سیکٹر کے سرحدی علاقے میں ہفتہ کی صبح ایک مشتبہ پاکستانی غبارہ برآمد ہونے کا معاملہ سامنے آیا ہے، جس کے بعد پولیس نے فوری کارروائی کرتے ہوئے اسے اپنی تحویل میں لے لیا۔سرکاری ذرائع کے مطابق صبح تقریباً 6 بجکر 55 منٹ پر سرداری پلے گراؤنڈ، گڑورے نالہ کے قریب ایک سبز و سفید رنگ کا مشتبہ غبارہ دیکھے جانے کی اطلاع ملی، جو بارڈر پولیس پوسٹ سائی کے دائرہ اختیار میں آتا ہے۔اطلاع ملتے ہی بارڈر پولیس پوسٹ سائی کی ٹیم موقع پر پہنچی اور علاقے کو گھیرے میں لے کر غبارے کو ضبط کر لیا۔ برآمد شدہ شے کو مزید جانچ اور ضروری قانونی کارروائی کے لیے پولیس پوسٹ میں محفوظ رکھا گیا ہے۔پولیس نے واقعہ کی تحقیقات شروع کر دی ہیں تاکہ غبارے کے ماخذ اور اس کے ممکنہ مقصد کا پتہ لگایا جا سکے۔حکام نے عوام سے اپیل کی ہے کہ کسی بھی مشتبہ شے یا سرگرمی کی فوری اطلاع قریبی پولیس اسٹیشن کو دیں۔

ہندوستھان سماچار

---------------

ہندوستان سماچار / محمد اصغر