جموں کے میران صاحب علاقے میں پولیس پر پتھراؤ

جموں، 10 اپریل (ہ س)۔ ضلع جموں کے ميران صاحب علاقے میں جمعرات کی شام مویشی اسمگلنگ کے خلاف کارروائی کے دوران پولیس ٹیم پر حملہ کیا گیا، جس کے نتیجے میں ایک اسپیشل پولیس آفیسر (ایس پی او) زخمی ہو گیا۔ ذرائع کے مطابق کچھ افراد ڈاک بنگلہ مرالیان کے قریب ایک ٹرک میں مویشی اسمگل کرنے کی کوشش کر رہے تھے۔

اطلاع ملنے پر پولیس اسٹیشن ميران صاحب کی ٹیم فوری طور پر موقع پر پہنچی اور گاڑی کو روکنے کی کوشش کی۔اسی دوران بڑی تعداد میں لوگ موقع پر جمع ہو گئے اور پولیس پارٹی پر پتھروں اور لاٹھیوں سے حملہ کر دیا۔ حملے میں ایس پی او ڈی وی آر گرو چودھری زخمی ہو گئے، جنہیں فوری طور پر اسپتال منتقل کیا گیا۔

پولیس حکام نے بتایا کہ صورتحال پر قابو پانے کے لیے اپنے دفاع میں ہوائی فائرنگ کی گئی، جس کے بعد حالات قابو میں آ گئے۔ادھر پولیس نے مقدمہ درج کر کے تحقیقات شروع کر دی ہیں۔

ہندوستھان سماچار

---------------

ہندوستان سماچار / محمد اصغر