نئی دہلی، 10 اپریل (ہ س)۔ دہلی ہائی کورٹ نے شالیمار باغ علاقے میں ایک عوامی سڑک کو چوڑا کرنے کے لیے مسمار کرنے کی اجازت دے دی ہے۔ جسٹس پرتیبھا سنگھ کی سربراہی والی بنچ نے 98 رہائشیوں کو 30 مئی تک اپنے احاطے خالی کرنے کا حکم دیا۔

یہ درخواست شالیمار باغ علاقے کی رہائشی سروج نے دائر کی تھی۔ درخواست میں کہا گیا تھا کہ حکومت نے شالیمار باغ کے گاو¿ں حیدر گڑھ میں زمین حاصل کی تھی۔ درخواست میں کہا گیا کہ حیدر گڑھ گاو¿ں کے رہائشی کئی دہائیوں سے وہاں مقیم ہیں۔ اس زمین پر رہنے والوں کے مکانات منہدم ہونے کے خطرے سے دوچار ہیں۔ اگر ان کے گھر گرائے جائیں تو وہ بے گھر ہو جائیں گے۔سماعت کے دوران اے ایس جی چیتن شرما نے، دہلی حکومت کی نمائندگی کرتے ہوئے کہا کہ زیر بحث زمین حکومت نے حاصل کی تھی۔ ہائی کورٹ نے قبضے کے خلاف درخواست کو خارج کر دیا تھا۔ عدالت نے کہا کہ بنیادی ضروریات جیسے صحت کی دیکھ بھال، تعلیم، فائر سیفٹی وغیرہ کے لیے انفراسٹرکچر جلد از جلد تعمیر کیا جانا چاہیے۔ ان اقدامات میں تاخیر سے شالیمار باغ کے مکینوں کو ہی نقصان پہنچے گا۔ اس کے بعد عدالت نے حیدر گڑھ گاو¿ں میں سڑک کو چوڑا کرنے کے لیے مسماری کی کارروائی کی منظوری دے دی۔

ہندوستھان سماچار

ہندوستان سماچار / Md Owais Owais