آگرہ، میرٹھ، لکھنو، پریاگ راج، گورکھپور، وارانسی میں 53 امتحانی مراکز قائم کیے گئے ہیں۔

امیدوار اپنا ایڈمٹ کارڈ 15 اپریل سے ویب سائٹ سے ڈاون لوڈ کر سکتے ہیں۔

پریاگ راج، 10 اپریل (ہ س): اتر پردیش ایجوکیشن سروس سلیکشن کمیشن، پریاگ راج نے اسسٹنٹ پروفیسر کے دوبارہ امتحان کا شیڈول جاری کیا ہے۔ بھرتی کا امتحان آگرہ، میرٹھ، لکھنو¿، پریاگ راج، گورکھپور اور وارانسی اضلاع میں واقع 53 امتحانی مراکز پر 18 اور 19 اپریل کو دو شفٹوں میں لیا جائے گا۔

یہ بھرتی کا امتحان دو شفٹوں میں منعقد کیا جائے گا: صبح 9:30 سے 11:30 بجے تک اور دوپہر 2:30 بجے سے 4:30 بجے تک۔ اسسٹنٹ پروفیسر کی بھرتی کے امتحان سے متعلق تمام معلومات ایجوکیشن سروس سلیکشن کمیشن کی ویب سائٹ https://upessc.up.gov.in پر اپ لوڈ کی گئی ہیں۔ بھرتی کے امتحان میں شرکت کرنے والے امیدوار 15 اپریل سے ویب سائٹ سے اپنا ایڈمٹ کارڈ ڈاو¿ن لوڈ کر سکتے ہیں۔ امیدوار درست ایڈمٹ کارڈ کے بغیر امتحان میں شرکت نہیں کر سکیں گے۔

یہ معلومات دیتے ہوئے کمیشن کے ڈپٹی سکریٹری سنجے سنگھ نے بتایا کہ 18 اپریل کو پہلی شفٹ میں نو مضامین میں اسسٹنٹ پروفیسر کے عہدوں کے لیے بھرتی کا امتحان ہوگا: ایشین کلچر، میوزک طبلہ، فزیکل ایجوکیشن، اردو، انگلش، سوشیالوجی، کیمسٹری ایجوکیشن، اور زولوجی۔ دوسری شفٹ میں کل آٹھ مضامین میں اسسٹنٹ پروفیسر کے عہدوں کے لیے بھرتی کا امتحان ہو گا: نباتیات، زرعی معاشیات، ہندی، قانون، حیوانات اور ڈیری، موسیقی ، فلسفہ، اور بشریات۔

دوسرے دن، 19 اپریل کو، پہلی شفٹ میں ہارٹیکلچر، ملٹری سائنس اور ڈیفنس اسٹڈیز، ڈرائنگ، ہوم سائنس، سنسکرت، تاریخ، ریاضی اور جغرافیہ کے لیے بھرتی کے امتحانات ہوں گے۔ دوسری شفٹ میں آٹھ مضامین کے امتحانات بھی ہوں گے: شماریات، نفسیات، معاشیات، سیاسیات، قدیم تاریخ، کامرس، موسیقی کے ساز ستار، اور طبیعیات۔

---------------

ہندوستان سماچار / عبدالسلام صدیقی