کولہاپور میں ترقی کے لیے مشترکہ کام کرنے کا اعلانکولہاپور ممبئی ، 10 اپریل (ہ س) حال ہی میں سمرجیت سنگھ گھاٹگے کے بھارتیہ جنتا پارٹی میں شامل ہونے پر کاغل میں پارٹی کے عہدیداروں اور کارکنوں کے اجلاس سے خطاب کرتے ہوئے مہاراشٹر کے وزیر اور نیشنلسٹ کانگریس پارٹی کے سینئر رہنما حسن مشرف نے کہا ہے کہ وزیراعلیٰ کے ساتھ ایک ہی ’’گلے ملنے‘‘ میں ہم چاروں اکٹھے نظر آئیں گے، اور اس کے ذریعے کولہاپور ضلع کی ہمہ جہت ترقی کو آگے بڑھایا جائے گا۔ انہوں نے کہا کہ انہوں نے گھاٹگے کو اس فیصلے پر مبارکباد بھی دی ہے، جبکہ مختلف چینلز اور انٹرویوز میں گھاٹگے نے ان کی کشادہ دلی کی تعریف بھی کی ہے۔

انہوں نے بتایا کہ وزیراعلیٰ سے ملاقات کے دوران گھاٹگے اور وزیراعلیٰ کے درمیان گلے ملنے کے بعد انہیں فون آیا تھا۔ مشرف نے کہا کہ وہ گھاٹگے سے کہیں گے کہ وزیراعلیٰ، وہ خود، گھاٹگے اور سابق رکن اسمبلی سنجے بابا گھاٹگے ایک ساتھ گلے ملنے کی تصویر بنائیں۔ انہوں نے مزید کہا کہ اگر سابق رکن پارلیمنٹ سنجے منڈلک بھی شامل ہوں تو سب مل کر ضلع کی ترقی کے لیے کام کریں گے۔

حسن مشرف نے کہا کہ ان کا خواب ہے کہ ’’پی ایم سوریہ گھر مفت بجلی اسکیم‘‘ کو مؤثر طریقے سے نافذ کرتے ہوئے کولہاپور ضلع میں گھریلو بجلی کے بل صفر کر دیے جائیں۔ اس مقصد کے لیے کے ڈی سی سی بینک کے ذریعے کم شرح سود پر مالی مدد بھی فراہم کی جائے گی۔

ہندوستھان سماچار

--------------------

ہندوستان سماچار / جاوید این اے