بھیلواڑہ،6مارچ(ہ س)۔ جمعہ کی صبح ضلع کے اسند علاقے میں قومی شاہراہ 158 پر ایک خوفناک سڑک حادثہ میں دو لوگوں کی موت ہو گئی اور ایک شدید زخمی ہو گیا۔ یہ حادثہ جمعہ کی صبح تقریباً چار بجے بار تھانہ علاقہ کے بدنور اور بار گاو¿ں کے درمیان پیش آیا۔بیور سے آنے والی ایک ماروتی وین اور بھیلواڑہ سے آنے والا ٹریلر سڑک کے غلط کنارے پر آپس میں ٹکرا گیا۔ ٹکر اتنی شدید تھی کہ وین بکھر گئی اور دونوں سوار موقع پر ہی جاں بحق ہوگئے۔ حادثے کی اطلاع ملتے ہی تھانہ بار کی پولیس جائے وقوعہ پر پہنچی اور امدادی کارروائیاں شروع کر دیں۔

پولیس کے مطابق مرنے والوں کی شناخت پرشورام ویشنو ولد بلوداس ویشنو ساکنہ کاوالاس اسند اور سریش چند ولد نند لال تیلی ساکن لچوڈا اسند کے طور پر کی گئی ہے۔ پرشورام ویشنو مبینہ طور پر پیشے سے ہوٹل کا مالک تھا اور علاقے میں مشہور تھا۔ حادثے کی اطلاع ملتے ہی دونوں خاندان سوگ میں ڈوب گئے، گاﺅں میں سوگ پھیل گیا۔اسپے بوریدہ کا رہنے والا کیلاش بالائی اس حادثہ میں شدید زخمی ہوگیا۔ ابتدائی طور پر اسے اسپتال میں ابتدائی طبی امداد دی گئی تھی، لیکن بعد میں حالت بگڑنے پر اسے سرکاری امرتکور اسپتال بیور ریفر کردیا گیا۔حادثے کے بعد دونوں کی لاشیں بارہسپتال کے مردہ خانے میں رکھ دی گئیں۔ اس دوران گاو¿ں والوں میں اسپتال کے انتظامات کو لے کر کافی غصہ پایا گیا۔ کاوالس کے رہنے والے سریندر نے بتایا کہ لاشوں کو مردہ خانے میں رکھنے کے بعد بھی کافی دیر تک کوئی ڈاکٹر اسپتال نہیں پہنچا۔ کئی بار فون کرنے کے باوجود ڈاکٹر تاخیر سے پہنچے جس کی وجہ سے اہل خانہ اور گاو¿ں والوں کو پریشانی کا سامنا کرنا پڑا۔ گاوں والوں کا الزام ہے کہ اسپتال میں پینے کے پانی جیسی بنیادی سہولتوں کا بھی فقدان ہے۔ اس کے علاوہ پوسٹ مارٹم کے عمل میں کافی تاخیر ہوئی جس کی وجہ سے اہل خانہ اور مقامی لوگوں میں غم و غصہ پھیل گیا۔دریں اثناءتھانہ بار پولیس نے مقدمہ درج کر کے حادثے کی وجوہات کی تحقیقات شروع کر دی ہیں۔ پولیس کا کہنا ہے کہ ابتدائی تحقیقات سے پتہ چلتا ہے کہ حادثہ غلط سائیڈ پر گاڑی چلانے کے باعث پیش آیا، تاہم پورے معاملے کی تحقیقات جاری ہیں۔

ہندوستھان سماچار

ہندوستان سماچار / Mohammad Khan