آگرہ، 07 مارچ (ہ س)۔ اترپردیش کے وزیراعلیٰ یوگی آدتیہ ناتھ آج (ہفتہ) صبح ضلع (جنپد) پہنچ گئے ہیں۔ بی جے پی عہدیداروں اور انتظامی افسران نے ان کا استقبال کیا۔ یہاں تقریباً چار گھنٹے کے قیام کے دوران وہ راشٹریہ سویم سیوک سنگھ اور بی جے پی کے کوآرڈینیشن اجلاس میں شرکت کر کے پارٹی کی تنظیمی سرگرمیوں کا جائزہ لیں گے۔ ان کا ایک نجی اسپتال کے افتتاح کا پروگرام بھی ہے۔

ضلع کے انتظامی افسران کو حکومت سے موصولہ پروٹوکول پروگرام کے مطابق، ہفتہ کو وزیراعلیٰ یوگی آدتیہ ناتھ صبح 10.10 بجے آگرہ میں کھیریا سول ایئرپورٹ پہنچنے کے بعد وہاں سے براہ راست 10.25 بجے فتح آباد روڈ پر واقع امر کنونشن سینٹر پہنچیں گے۔ وہ صبح 10.30 بجے سے دوپہر 12.50 بجے تک راشٹریہ سویم سیوک سنگھ اور بھارتیہ جنتا پارٹی کے کوآرڈینیشن اجلاس میں حصہ لیں گے۔ دوپہر 12.50 بجے متھرا ہائی وے پر گرو دوارے کے قریب واقع ایک پرائیویٹ سپر اسپیشلٹی اسپتال کے لیے روانہ ہوں گے۔ وہاں دوپہر 1.10 سے 1.40 بجے تک اس اسپتال کی افتتاحی تقریب میں شامل ہوں گے۔

اس پروگرام میں شرکت کے بعد دوپہر 1.45 بجے مرکزی ہندی سنستھان میں بنائے گئے عارضی ہیلی پیڈ پر پہنچیں گے اور دوپہر 1.50 بجے متھرا کے لیے روانہ ہو جائیں گے۔

بی جے پی کے ضلع صدر پرشانت پونیا نے بتایا کہ کوآرڈینیشن اجلاس میں وزیراعلیٰ یوگی تنظیم کے اہم عہدیداروں اور عوامی نمائندوں کے ساتھ میٹنگ کر کے جائزہ لیں گے اور تنظیم کو مضبوط کرنے کے مشورے دیں گے۔ اس میٹنگ میں بی جے پی کے ریاستی صدر پنکج چودھری اور جنرل سکریٹری (تنظیم) دھرم پال سنگھ کے آنے کا بھی پروگرام ہے۔

اے ڈی سی پی آدتیہ نے بتایا کہ وزیراعلیٰ کا دورہ مصروف ترین اوقات (پیک آورز) کے دوران اور آگرہ کی اہم شاہراہوں پر ہونے کی وجہ سے انتظامیہ نے سیکورٹی اور روٹ کے لیے پختہ انتظامات کیے ہیں۔

ہندوستھان سماچار

---------------

ہندوستان سماچار / انظر حسن