نئی دہلی، 06 مارچ (ہ س)۔ انفورسمنٹ ڈائریکٹوریٹ (ای ڈی) نے جمعہ کو صنعت کار انل امبانی کی گروپ کمپنی ریلائنس پاور لمیٹڈ کے خلاف منی لانڈرنگ کی تحقیقات کے تحت ممبئی اور حیدرآباد میں کئی مقامات پر چھاپے مارے۔

سرکاری ذرائع نے بتایا کہ ای ڈی کے اہلکار انل امبانی اور ریلائنس پاور لمیٹڈ سے منسلک کمپنیوں پر چھاپے مار رہے ہیں۔ ای ڈی کی پندرہ ٹیموں نے آج صبح کمپنی سے وابستہ افراد کے خلاف چھاپے مارے ہیں۔

بتایا گیا ہے کہ مرکزی تفتیشی ایجنسی کے افسران دونوں شہروں میں انل امبانی کی کمپنی اور اس کے عہدیداروں سے منسلک تقریباً 10-12 مقامات پر چھاپے مار رہے ہیں۔ ممبئی اور حیدرآباد میں چھاپے مارے جارہے ہیں۔ ایجنسی نے ان مقامات میں کمپنی کے دفاتر، اہلکاروں کی نجی رہائش گاہیں اور دیگر متعلقہ احاطوں کو شامل کیا ہے ۔ چھاپوں کے دوران ایجنسی کی ٹیموں نے دستاویزات، مالیاتی ریکارڈ اور دیگر متعلقہ مواد قبضے میں لے لیا۔

ای ڈی کی کارروائی بینک فراڈ سے منسلک لین دین اور مالی بے ضابطگیوں کی ایجنسی کی وسیع تر تحقیقات کا حصہ ہے۔ ای ڈی نے پہلے اشارہ کیا ہے کہ وہ انل امبانی سے جڑی مختلف گروپ کمپنیوں کی مالی سرگرمیوں کا تجزیہ کر رہی ہے اور مشکوک لین دین کی نشاندہی کر رہی ہے۔

ہندوستھا ن سماچار

ہندوستان سماچار / محمد شہزاد