نئی دہلی، 6 مارچ (ہ س):۔

دہلی کے نئے مقرر کردہ لیفٹیننٹ گورنر ترنجیت سنگھ سندھو نے وزیر اعظم نریندر مودی اور مرکزی وزیر داخلہ امت شاہ کا شکریہ ادا کیا کہ انہوں نے دہلی کے لوگوں کی خدمت کا موقع فراہم کیا۔

سندھو نے جمعہ کو ایک سوشل میڈیا پوسٹ میں کہا کہ وزیر اعظم مودی کی قیادت اور دور اندیش رہنمائی ہمیشہ سے تحریک کا ذریعہ رہی ہے۔ انہوں نے مرکزی وزیر داخلہ امت شاہ کے اعتماد اور رہنمائی کے لیے ان کا بھی شکریہ ادا کیا۔ سندھو نے کہا کہ وہ لگن، دیانتداری اور عاجزی کے ساتھ دہلی کے لوگوں اور قوم کی خدمت کرنے کے لیے پرعزم ہیں۔

قابل ذکر ہے کہ جمعرات کو صدر نے سینئر سفارت کار ترنجیت سنگھ سندھو کو ونے کمار سکسینہ کی جگہ دہلی کا لیفٹیننٹ گورنر مقرر کیا تھا۔ وہ ایک ہندوستانی سیاست دان اور ہندوستانی خارجہ سروس کے ریٹائرڈ سفارت کار ہیں۔ وہ سری لنکا میں ہندوستان کے ہائی کمشنر اور امریکہ میں ہندوستان کے 28ویں سفیر کے طور پر خدمات انجام دے چکے ہیں۔

ترنجیت سنگھ سندھو 23 جنوری 1963 کو پنجاب میں پیدا ہوئے۔ انہوں نے اپنی اسکول کی تعلیم لارنس اسکول، سناور سے مکمل کی۔ اس کے بعد انہوں نے دہلی یونیورسٹی کے سینٹ اسٹیفن کالج سے تاریخ میں بی اے کیا۔ انہوں نے جواہر لال نہرو یونیورسٹی سے بین الاقوامی تعلقات میں ایم اے کیا۔

ہندوستھان سماچار

ہندوستان سماچار / عطاءاللہ