جھارکھنڈ بی جے پی کے لیڈروں نے نتن نوین کو بہار سے راجیہ سبھا امیدوار بنانے پر مبارکباد دی

رانچی، 04 مارچ (ہ س)۔ جھارکھنڈ میں بھارتیہ جنتا پارٹی (بی جے پی) کے ریاستی صدر اور رکن پارلیمنٹ آدتیہ ساہو سمیت پارٹی کے کئی سینئر لیڈروں نے بی جے پی کے قومی صدر نتن نوین کو بہار سے راجیہ سبھا کا امیدوار بنائے جانے پر خوشی کا اظہار کرتے ہوئے انہیں مبارکباد اور نیک خواہشات پیش کی ہیں۔

ریاستی صدر آدتیہ ساہو نے کہا کہ نتن نوین ایک تجربہ کار اور وقف لیڈر ہیں، جنہوں نے تنظیم کو مضبوط کرنے میں اہم کردار ادا کیا ہے۔ انہوں نے اعتماد ظاہر کیا کہ راجیہ سبھا میں ان کا تجربہ اور قائدانہ صلاحیت پارٹی اور ملک کے مفاد میں موثر ثابت ہوگی۔

اسمبلی میں لیڈر حزب اختلاف اور سابق وزیر اعلیٰ بابولال مرانڈی نے بھی نیک خواہشات پیش کرتے ہوئے کہا کہ نتن نوین کا پارلیمانی تجربہ اور تنظیمی مہارت راجیہ سبھا میں پارٹی کی آواز کو مزید تقویت بخشے گی۔ انہوں نے کہا کہ بہار سے ان کا امیدوار بنایا جانا پارٹی قیادت کا دور اندیش فیصلہ ہے۔ سابق وزیر اعلیٰ ارجن منڈا اور رگھوور داس نے بھی انہیں مبارکباد دیتے ہوئے کہا کہ نتن نوین کا سیاسی تجربہ اور عوامی مسائل کے تئیں وابستگی انہیں ایوان بالا میں موثر کردار ادا کرنے کے قابل بنائے گی۔

مبارکباد دینے والوں میں تنظیم کے جنرل سکریٹری کرم ویر سنگھ، چمپئی سورین، سابق ریاستی صدر دیپک پرکاش، ڈاکٹر رویندر کمار رائے، ڈاکٹر دنیشانند گوسوامی، پی این سنگھ، ابھئے کانت پرساد، یدوناتھ پانڈے، ریاستی جنرل سکریٹری اور رکن پارلیمنٹ ڈاکٹر پردیپ ورما اور منوج کمار سنگھ سمیت دیگر سینئر لیڈر شامل ہیں۔

پارٹی لیڈروں نے کہا کہ نتن نوین کے راجیہ سبھا پہنچنے سے پارٹی کی پالیسیوں اور نظریات کو قومی سطح پر مضبوطی ملے گی اور بہار و جھارکھنڈ سمیت پورے خطے کی ترقی سے جڑے مسائل کو موثر طریقے سے اٹھایا جائے گا۔

ہندوستھان سماچار

---------------

ہندوستان سماچار / انظر حسن