مدھے پورہ، 28 مارچ (ہ س)۔ ضلع میں جمعہ کی دیر رات ایک المناک سڑک حادثہ نے چارخاندانوں کی خوشیاں چھین لی۔ دینا بھدری میلے سے واپس لوٹ رہے چار دوستوں کی کار بے قابو ہو کراراتھانہ علاقہ کے قریب پل کی ریلنگ توڑتے ہوئے ندی میں گر گئی۔جس سے تین نوجوانوں کی موت ہوگئی جبکہ چوتھے کی تلاش جاری ہے۔ اطلاعات کے مطابق نوجوان رات 9 بجے کے قریب اسٹیشن چوک سے مدھے پورہ لوٹ رہے تھے۔ جمعہ کی رات دینابھدری میلے کا دورہ کرنے کے بعد 12:30 بجے کے قریب، تیز رفتار کار نے پل پر کنٹرول کھو دیا، ریلنگ ٹوٹ گئی اور تقریباً 20 فٹ ندی میں جاگری۔ حادثہ اتنا شدید تھا کہ کار مکمل طور پر تباہ ہو گئی۔ندی میں گرنے پر خوف و ہراس پھیل گیا۔ اطلاع ملتے ہی پولیس جائے وقوعہ پر پہنچی اور مقامی لوگوں کی مدد سے ریسکیو اور ریلیف آپریشن شروع کیا۔کافی کوششوں کے بعد تین لاشیں ندی سے نکالی گئیں جبکہ چوتھے کی تلاش جاری ہے۔ بعد ازاں انتظامیہ نے چوتھے متوفی کی شناخت کی تصدیق کردی۔ پانی کی سطح زیادہ ہونے کی وجہ سے ریسکیو آپریشن میں شدید مشکلات کا سامنا کرنا پڑا۔ حادثے کا شکار ہونے والی کار کو بھی ندی سے نکال لیا گیا ہے۔حادثے میں اپنی جانیں گنوانے والوں کی شناخت گھنشیام کمار (28)، ولد آنجہانی ومل یادو ساکن وارڈ 23، اسٹیشن چوک، مدھے پورہ، انکت کمار (27) ولد منوج کمار، ساکن مکامہ،تھانہ بسانی ، ضلع سہرسہ ، بسنت کمار ولد پرمود یادو ساکن سور بازار سہرسہ اور ساگر کمار وارڈ 14 ، جے پال پٹی، ٹاؤن تھانہ ، مدھے پورہ ہیں۔ تمام آپس میں دوست تھے اور ساتھ میں میلے سے واپس آرہے تھے۔ ابتدائی تحقیقات سے پتہ چلتا ہے کہ حادثے کی وجہ تیز رفتاری تھی۔ پل پر توازن کھونے کے بعد کار ریلنگ توڑ کر ندی میں جا گری۔ کار کے ایئر بیگ کھلنے اور شیشہٹوٹنے کی تصدیق ہوئی ہے ، جو ٹکر کے شدت کو ظاہر کرتا ہے۔واقعہ کی اطلاع ملتے ہی پولیس اور انتظامی ٹیمیں حرکت میں آگئیں۔ لاشوں کو پوسٹ مارٹم کے لیے بھیج دیا گیا ہے، تحقیقات جاری ہیں۔ حکام کا کہنا ہے کہ حادثے کی تمام پہلوؤں سے تفتیش کی جا رہی ہے۔ تین نوجوانوں کی موت سے مدھے پورہ اور سہرسہ علاقوں میں کہرام مچ گیا ہے ۔ مقامی لوگوں نے انتظامیہ سے پلوں پر سیکورٹی کو مضبوط بنانے اور تیز رفتاری کو سختی سے کنٹرول کرنے کا مطالبہ کیا ہے۔ دینابھدری میلے کی تقریبات سے واپسی پر چار دوستوں کا یہ سفر ان کا آخری سفر بن گیا۔ یہ حادثہ ایک بار پھر تیز رفتاری اور لاپروائی کے خطرناک نتائج کو اجاگر کرتا ہے۔ہندوستھان سماچار

ہندوستان سماچار / Mohammad Afzal Hassan