منگل کی رات اسکول کے ای میل آئی ڈی پر دھمکی موصول ہوئی ۔

پولیس کو تفتیش کے دوران کوئی مشکوک چیز نہیں ملی۔

گروگرام، 25 مارچ (ہ س)۔ ڈی ایل ایف فیز 1 میں واقع پاتھ وے ورلڈ اسکول کو بدھ کو ایک ای میل موصول ہوئی جس میں اسے اڑانے کی دھمکی دی گئی۔ دھمکی اسکول کے ای میل ایڈریس پر آئی۔ اسکول انتظامیہ نے فوری طور پر پولیس کو اطلاع دی اور طلباءکو فارغ کردیا۔ پولیس اور بم ڈسپوزل اسکواڈ نے جائے وقوعہ پر پہنچ کر مکمل تفتیش شروع کر دی۔ پولیس ترجمان سندیپ کمار نے کہا کہ پولیس کو تفتیش کے دوران کوئی مشکوک چیز نہیں ملی۔

معلومات کے مطابق، منگل-بدھ کی درمیانی شب بلیاواس کے پاتھ وے ورلڈ اسکول کو ایک ای میل بھیجا گیا تھا۔ اسکول انتظامیہ نے بدھ کی صبح ای میل دیکھی۔ ای میل دیکھ کر اسکول انتظامیہ نے پولیس کو اطلاع دی۔ اطلاع ملتے ہی پولیس کی ٹیم موقع پر پہنچ گئی اور پورے علاقے کی تلاش شروع کر دی۔ پولیس نے دو گھنٹے سے زائد سرچ آپریشن کیا۔ اس دوران پولیس کو کوئی مشکوک چیز نہیں ملی۔ پولیس ترجمان سندیپ کمار کے مطابق پولیس نے شہریوں سے اپیل کی ہے کہ وہ افواہوں پر دھیان نہ دیں۔ اسکول انتظامیہ نے بچوں کے والدین سے بھی نہ گھبرانے کی اپیل کرتے ہوئے کہا ہے کہ تحقیقات کے بعد اسکول کو آسانی سے کھول دیا جائے گا۔

واضح رہے کہ گزشتہ چند ماہ سے ای میل کے ذریعے اسکولوں کو بم سے اڑانے کی دھمکیاں موصول ہورہی ہیں۔ ان ای میلز میں کچھ نہیں ملا۔ دھمکیاں جعلی پائی گئیں۔

---------------

ہندوستان سماچار / عبدالسلام صدیقی