جموں, 25 مارچ (ہ س)۔

جموں و کشمیر کے ضلع ادھم پور میں پولیس نے بدھ کے روز مختلف مقامات پر کارروائیاں کرتے ہوئے چار مبینہ منشیات فروشوں کو گرفتار کر لیا اور ان کے قبضے سے ہیروئن برآمد کی۔

پولیس ترجمان کے مطابق، جموں-سری نگر قومی شاہراہ پر ٹکری کے مقام پر ایک نجی گاڑی کو روک کر تلاشی لی گئی، جس دوران گاڑی میں سوار دو افراد سنيل شرما اور موہن لال کے قبضے سے 5.44 گرام ہیروئن برآمد ہوئی۔ دونوں کو موقع پر ہی گرفتار کر لیا گیا۔ایک اور کارروائی میں، ریہمبل کے قریب شاہراہ پر قائم ناکہ چیکنگ کے دوران بارہمولہ کے رہائشی نذیر احمد شاہ کو گرفتار کیا گیا، جس کی گاڑی سے 8.98 گرام ہیروئن برآمد ہوئی۔

اسی طرح، بٹلہ بالیاں صنعتی علاقے میں گشت کے دوران ارون سنگھ نامی شخص کو بھی گرفتار کیا گیا، جس کے قبضے سے 2.98 گرام ہیروئن برآمد ہوئی۔پولیس کے مطابق چاروں ملزمان کے خلاف نارکوٹک ڈرگز اینڈ سائیکوٹروپک سبسٹینسز (این ڈی پی ایس) ایکٹ کے تحت مقدمہ درج کر لیا گیا ہے اور مزید تحقیقات جاری ہیں۔

ہندوستھان سماچار

---------------

ہندوستان سماچار / محمد اصغر