سرینگر، 23 مارچ (ہ س): سرینگر کی ایک خصوصی انسداد بدعنوانی عدالت نے پیر کو سابق تحصیلدار چڈورہ کو 2010 کے رشوت ستانی کے ایک کیس میں مجرم قرار دیتے ہوئے ایک سال کی سادہ قید کے ساتھ ساتھ 20,000 روپے جرمانے کی سزا سنائی ہے۔ ایک ترجمان نے کہا کہ بدعنوانی سے نمٹنے کے عزم کو تقویت دینے والے ایک اہم فیصلے میں معزز خصوصی جج انسداد بدعنوانی عدالت سری نگر ڈاکٹر تسلیم عارف نے محمد اکرم خان کے بیٹے جلال الدین خان کو سزا سنائی۔ جو جواہر نگر، سری نگر کے ایک رشوت خوری کے مقدمہ میں ایف آئی آر نمبر 20 کے تحت کیس میں ملوث تھا ۔ انہوں نے کہا، ملزم، جو اس وقت تحصیلدار کی حیثیت سے خدمات انجام دے رہا تھا، اور سیکشن 161 کے تحت، شکایت کنندہ سے 20,000 روپے کی رشوت مانگنے اور قبول کرنے کے لیے قصوروار پایا گیا۔ انہوں نے کہا، 13 مئی 2010 کو درج کی گئی شکایت کے بعد، ویجیلنس آرگنائزیشن کشمیر (اب اینٹی کرپشن بیورو) کی طرف سے ایک جال کامیابی سے بچھایا گیا، جس کے دوران ملزم کو رشوت لیتے ہوئے رنگے ہاتھوں پکڑا گیا۔مکمل چھان بین کے بعد، 22 اکتوبر 2010 کو چارج شیٹ دائر کی گئی اور مقدمہ عدالتی فیصلہ کے لیے معزز عدالت میں چلا۔ 23 مارچ، 2026 کو، معزز عدالت نے فیصلہ سنایا، ملزم کو سیکشن 5(2) کے تحت سزا سنائی، جس میں 5(1) اور پی سی ایکٹ کی سادہ سی دفعہ 5 (1) ایک سال کی قید کے ساتھ ساتھ 20,000/- جرمانہ عاید کیا گیا۔انہوں نے کہا، یہ سزا انسداد بدعنوانی بیورو کی عوامی خدمت میں دیانتداری اور احتساب کو برقرار رکھنے کی جاری کوششوں میں ایک اور سنگ میل کی نشاندہی کرتی ہے۔

ہندوستھان سماچار

ہندوستان سماچار / Aftab Ahmad Mir