نئی دہلی ،22مارچ (ہ س )۔

انڈیا اور رائل چیلنجرز بنگلورو (آر سی بی) کے اسٹار بلے باز وراٹ کوہلی نے سوشل میڈیا پر آئی پی ایل 2026 سے قبل اپنی فرنچائز سے اہم مطالبات کیے جانے کی خبروں پر ردعمل ظاہر کیا ہے۔ ایک میڈیا رپورٹ میں دعویٰ کیا گیا ہے کہ کوہلی نے وسط سیزن میں لندن جانے کے لیے اپنی فرنچائز سے چارٹرڈ طیارے کی درخواست کی ہے۔ رپورٹ میں یہ بھی دعویٰ کیا گیا کہ کوہلی نے فرنچائز کو بتایا کہ اگر میچوں کے درمیان تین دن کا وقفہ ہوتا ہے تو وہ لندن جائیں گے اور میچ سے پہلے واپس آجائیں گے۔اس خبر پر کوہلی نے رد عمل سامنے آیا ہے ۔

وراٹ نے اب اس خبر پر ردعمل دیتے ہوئے اسے مسترد کر دیا ہے۔ تاہم اس خبر پر کوہلی کا ردعمل وائرل ہو گیا ہے۔ دراصل، کوہلی نے اپنی انسٹاگرام اسٹوری پر اس خبر کو شیئر کیا اور اسے ہنستے ہوئے ایموجی کے ساتھ کیپشن دیا۔ کوہلی نے آئی پی ایل 2026 سیزن کے لیے آر سی بی ٹیم میں شمولیت اختیار کی ہے اور حال ہی میں ایک پریکٹس سیشن میں حصہ لیا ہے۔ آر سی بی کا پہلا میچ 28 مارچ کو سن رائزرس حیدرآباد کے خلاف بنگلور میں ہوگا۔ آر سی بی کا مقصد ٹائٹل کا دفاع کرنا ہوگا۔

کوہلی نے آر سی بی کے ساتھ اپنے 18 ویں سیزن میں اپنا پہلا آئی پی ایل ٹائٹل جیتا تھا۔ اس بار آر سی بی کا مقصد ٹائٹل کا دفاع کرنا ہے۔ فی الحال، کوہلی نے 267 میچوں میں 8,661 رنز بنائے ہیں، جن میں آٹھ سنچریاں اور 63 نصف سنچریاں شامل ہیں، اور ان کا مقصد آئی پی ایل کی تاریخ میں 9,000 رنز بنانے والے پہلے کھلاڑی بننا ہے۔ وراٹ کوہلی نے 414 T20 میچوں میں 13,543 رنز بنائے ہیں جن میں 9 سنچریاں اور 105 نصف سنچریاں شامل ہیں۔ اب وہ ویسٹ انڈیز کے لیجنڈ کرس گیل (14,562 رنز)، کیرون پولارڈ (14,482 رنز)، انگلینڈ کے ایلکس ہیلز (14,449 رنز) اور آسٹریلیا کے لیجنڈ ڈیوڈ وارنر (14,028 رنز) کے ساتھ ٹی ٹوئنٹی کرکٹ میں 14,000 رنز بنانے والے پانچویں کھلاڑی بن جائیں گے۔

پچھلے سیزن میں وراٹ نے 15 اننگز میں 54.75 کی اوسط اور 144.71 کے اسٹرائیک ریٹ سے 657 رنز بنائے تھے، جس میں آٹھ نصف سنچریاں بھی شامل تھیں۔ وہ ٹیم کے سب سے زیادہ رنز بنانے والے اور مجموعی طور پر تیسرے نمبر پر تھے۔

ہندوستھان سماچار

ہندوستان سماچار / عطاءاللہ