بھوپال، 22 مارچ (ہ س)۔

مدھیہ پردیش کے بھوپال-اندور ہائی وے پر اتوار کی علی الصبح ایک خوفناک سڑک حادثے میں 30 سالہ نوجوان کی موت ہو گئی، جبکہ اس کا دوست شدید طور پر زخمی ہو گیا۔ یہ حادثہ کھجوری جوڑ کے پاس زیرِ تعمیر پل کے پلر سے کار ٹکرانے کی وجہ سے پیش آیا۔

پولیس کے مطابق، متوفی گورو سنگھ بھوپال کے اودھ پوری علاقے کے رہائشی تھے اور ایک ٹورس اینڈ ٹریولز کمپنی چلاتے تھے۔ اتوار کی صبح تقریباً 3 بجے انہیں اپنے پھوپھا کے انتقال کی اطلاع ملی، جس کے بعد وہ اپنے دوست لکی کے ساتھ کار سے اندور کے لیے روانہ ہوئے تھے۔

اتوار کی علی الصبح تقریباً 3.45 بجے بھوری جوڑ کے پاس، جہاں سڑک کی تعمیر کے باعث راستہ ون-وے کیا گیا ہے، گورو کی کار سامنے سے آنے والی گاڑی کو راستہ دینے کی کوشش میں بے قابو ہو کر زیرِ تعمیر پل کے پلر سے جا ٹکرائی۔ ٹکر اتنی شدید تھی کہ گورو کی موقع پر ہی موت ہو گئی۔ حادثے میں شدید زخمی ہونے والے لکی کو فوری طور پر اسپتال پہنچایا گیا، جہاں حمیدیہ اسپتال میں اس کا علاج جاری ہے اور اس کی حالت نازک ہے۔

گورو نے تقریباً چار سال پہلے لو-ارینج میرج کی تھی۔ ان کی کوئی اولاد نہیں ہے۔ انہوں نے اپنے دم پر ٹورس اینڈ ٹریولز کا کاروبار کھڑا کیا تھا۔ اچانک پیش آنے والے اس حادثے نے خاندان کو گہرے صدمے میں ڈال دیا ہے۔ حادثے کی اطلاع ملتے ہی پولیس موقع پر پہنچی اور دونوں کو کار سے نکال کر اسپتال بھجوایا۔ ڈاکٹروں نے معائنے کے بعد گورو کو مردہ قرار دے دیا۔ پولیس نے مرگ قائم کر لیا ہے اور حادثے کے تمام پہلووں کی جانچ کی جا رہی ہے۔

ہندوستھان سماچار

ہندوستان سماچار / انظر حسن