ریسرچ اسکالر کو بین الاقوامی کانفرنس میں بیسٹ پیپر پرزنٹیشن ایوارڈ سے نوازا گیا

علی گڑھ، 19 مارچ (ہ س)۔ علی گڑھ مسلم یونیورسٹی کے شعبہ اپلائیڈ کیمسٹری کی ریسرچ اسکالر مس شائدہ خان کو مولانا آزاد نیشنل اردو یونیورسٹی، حیدرآباد میں منعقدہ تیسری بین الاقوامی کانفرنس برائے کیمسٹری 2026 میں بیسٹ پیپر پرزنٹیشن ایوارڈ سے نوازا گیا۔

انھوں نے اورل سیشن میں اپنا تحقیقی مقالہ پیش کیا، جہاں اسے سائنسی معیار اور عملی افادیت کی بنیاد پر سراہا گیا۔ اس مقالے میں آلودہ پانی سے مہلک رنگوں کے اخراج کے لیے ایک ماحولیات دوست، کم لاگت اور مؤثر نینو ٹکنالوجی پر مبنی حل پیش کیا گیا۔

شعبہ اپلائیڈ کیمسٹری کے چیئرپرسن پروفیسر رئیس احمد نے مس شائدہ خان کو اس دستیابی پر مبارکباد پیش کی اور ان کے آئندہ تحقیقی کاموں کے لیے نیک خواہشات کا اظہار کیا۔ وہ اپنا پی ایچ ڈی مقالہ پروفیسر ابو نصر کی نگرانی میں مکمل کر رہی ہیں، جو ویسٹ واٹر ٹریٹمنٹ اور ماحولیاتی اصلاح کے میدان کے ایک ممتاز محقق ہیں۔

ہندوستھان سماچار

---------------

ہندوستان سماچار / سید کامران علی گڑھ