علی گڑھ, 17 مارچ (ہ س)۔ علی گڑھ مسلم یونیورسٹی کے شعبہ قانون میں ملک گیر سطح کے سر سید نیشنل موٹ کورٹ مقابلہ 2026 کے تیسرے ایڈیشن کا افتتاح موٹ کورٹ ہال میں عمل میں آیا۔ اس مقابلہ کا مقصد قانون کے طلبہ میں وکالتی مہارت، قانونی تحقیق اور عدالتی اخلاقیات کو فروغ دینا ہے۔

پروگرام کی نظامت خوشی تومر نے کی، جبکہ عائشہ شکیل نے گزشتہ ایڈیشنز کا جائزہ پیش کیا۔

لاء فیکلٹی کے ڈین پروفیسر شکیل احمد نے اپنے استقبالیہ خطاب میں موٹ کورٹ کی اہمیت پر زور دیتے ہوئے کہا کہ یہ سرگرمیاں طلبہ میں عملی قانونی مہارتیں پیدا کرنے میں اہم کردار ادا کرتی ہیں، اور یونیورسٹی قانون کی تعلیم میں اعلیٰ معیار کے فروغ کے لیے پرعزم ہے۔

محمد بلال نے شریک ٹیموں کو مقابلہ کے قواعد و ضوابط سے آگاہ کیا، جس کے بعد شاہد علی صدیقی نے ابتدائی مرحلے کے مقابلوں کے شیڈول کا اعلان کیا۔ آخر میں ویشالی تومر نے اظہارِ تشکر کیا۔

ہندوستھان سماچار

---------------

ہندوستان سماچار / سید کامران علی گڑھ