چتردرگ، 15 مارچ (ہ س)۔

کرناٹک کے چتردرگ ضلع کے چھلاکیرے تعلقہ کے ہیگیرے گاو¿ں کے قریب اتوار کی صبح ایک تیز رفتار کار نے ایک ٹرک کو پیچھے سے ٹکر مار دی۔ خوفناک سڑک حادثے میں تین پولیس اہلکار ہلاک ہو گئے، جب کہ دو کی حالت تشویشناک ہے۔

اطلاعات کے مطابق بنگلورو پولیس افسران آر ایس آئی منجوناتھ، آر ایس آئی امریش، آر ایس آئی سچن، آر ایس آئی مہنتیش، اور پی ایس آئی ایشور ایک دوست کی شادی میں شرکت کے لیے بنگلورو سے بلاری جا رہے تھے۔ چھلاکیرے تعلقہ کے ہیگیرے گاو¿ں کے قریب، ان کی کار ایک ٹرک سے ٹکرا گئی۔ ٹکر اتنی شدید تھی کہ کار مکمل طور پر تباہ ہو گئی۔ تین پولیس اہلکار موقع پر ہی دم توڑ گئے، جب کہ دو شدید زخمی ہو گئے۔ مرنے والوں کی شناخت بنگلورو پولیس افسران آر ایس آئی منجوناتھ (32)، آر ایس آئی امریش اور آر ایس آئی سچن کے طور پر کی گئی ہے۔ تینوں ریزرو پولیس افسران تھے۔ حادثے میں آر ایس آئی مہنتیش اور پی ایس آئی ایشور شدید زخمی ہو گئے۔ دونوں کو چتردرگ کے ایک نجی اسپتال میں داخل کرایا گیا ہے۔ واقعہ کی اطلاع ملتے ہی چھلاکیرے پولیس جائے وقوعہ پر پہنچی اور معاملے کی تحقیقات شروع کردی۔

ہندوستھان سماچار

ہندوستان سماچار / عطاءاللہ