سرینگر، 14 مارچ (ہ س): سرینگر میں ریڈیو کشمیر کے علاقے کے قریب ہفتہ کو ناکے کی چیکنگ ڈیوٹی کے دوران اسمارٹ سٹی بس کی زد میں آکر ایک پولیس اہلکار زخمی ہوگیا۔ ایک اہلکار نے بتایا کہ زخمی اہلکار کی شناخت آرمڈ ریزرو پولیس (اے آر پی) کے اسسٹنٹ سب انسپکٹر (اے ایس آئی) علی محمد کے طور پر کی گئی ہے، جو پولیس اسٹیشن کوٹھی باغ میں تعینات ہے۔ انہوں نے کہا کہ اے ایس آئی ریڈیو کشمیر کراسنگ کے قریب ناکے کی ڈیوٹی پر تھا کہ ایک سمارٹ سٹی بس نے اسے ٹکر مار دی جس سے وہ زخمی ہو گیا۔ انہوں نے بتایا کہ اسے فوری طور پر سری نگر کے شری مہاراجہ ہری سنگھ ہسپتال میں علاج کے لیے منتقل کیا گیا۔ انہوں نے مزید کہا کہ پولیس نے واقعے کا نوٹس لے لیا ہے اور مزید کارروائی شروع کر دی گئی ہے۔ہندوستھان سماچار

ہندوستان سماچار / Aftab Ahmad Mir