مہاراشٹر میں اعلیٰ تعلیم کے فروغ پر گورنر اور وزیر کی ملاقاتممبئی، 14 مارچ (ہ س)۔ مہاراشٹر کے وزیر برائے اعلیٰ و تکنیکی تعلیم چندرکانت پاٹل نے ممبئی کے لوک بھون میں ریاست کے گورنر جشنو دیو ورما سے ملاقات کی اور اعلیٰ و تکنیکی تعلیم کے شعبے سے متعلق اہم امور پر تبادلہ خیال کیا۔ ملاقات میں ریاست کے تعلیمی نظام کو مزید مضبوط بنانے اور جامعات کے معیار کو بہتر بنانے کے اقدامات پر گفتگو ہوئی۔ اس موقع پر وزیر اعظم نریندر مودی کی قیادت میں نافذ نیشنل ایجوکیشن پالیسی 2020 کے مؤثر نفاذ پر بھی زور دیا گیا۔گفتگو کے دوران مہاراشٹر کی جامعات کی قومی و عالمی درجہ بندی بہتر بنانے، طلبہ کے لیے تحقیق اور تعلیم کے مواقع بڑھانے اور تکنیکی تعلیم میں اصلاحات کے اقدامات پر بھی غور کیا گیا۔ چندرکانت پاٹل نے گورنر کو بتایا کہ ریاستی حکومت طلبہ کے لیے تعلیمی مواقع میں اضافہ اور تحقیق کے فروغ کے لیے مختلف اقدامات کر رہی ہے۔ گورنر جشنو دیو ورما نے کہا کہ مہاراشٹر ملک میں تعلیمی ترقی کے میدان میں نمایاں مقام رکھتا ہے اور اس روایت کو برقرار رکھنے کے لیے تعلیمی اداروں کے معیار کو مزید بہتر بنانا ضروری ہے۔انہوں نے امید ظاہر کی کہ نیشنل ایجوکیشن پالیسی 2020 کے مؤثر نفاذ سے ریاست میں اعلیٰ تعلیم کے معیار میں مزید بہتری آئے گی۔ اس ملاقات کے دوران اعلیٰ و تکنیکی تعلیم محکمہ کے ایڈیشنل چیف سیکریٹری بی۔ وینوگوپال بھی موجود تھے۔ہندوستھان سماچار--------------------

ہندوستان سماچار / جاوید این اے