نئی دہلی، 13 مارچ (ہ س): دہلی کے لیفٹیننٹ گورنر ترنجیت سنگھ سندھو نے جمعہ کو یہاں راشٹرپتی بھون میں صدرجمہوریہ دروپدی مرمو سے ملاقات کی۔

ترنجیت سنگھ سندھو نے ایک ایکس پوسٹ میں شیئر کیا کہ انہوں نے آج صدر جمہوریہ دروپدی مرمو سے ملاقات کی اور ان سے رہنمائی حاصل کی۔ انہوں نے اس کی حوصلہ افزائی پر اظہار تشکر کیا۔

سندھو نے کہا کہ انہوں نے آج راشٹرپتی بھون کے مشہور امرت ادیان کا بھی دورہ کیا اور بہار کے پھولوں سے لطف اندوز ہوتے دہلی والوں سے مل کر خوشی ہوئی۔ مزید برآں، لیفٹیننٹ گورنر نے لوک نواس میں دہلی پولیس کمشنر ستیش گولچہ سے ملاقات کی۔ میٹنگ کے دوران سیکورٹی، امن و امان، سائبر کرائم اور ابھرتے ہوئے غیر روایتی مسائل سے متعلق چیلنجز کا جائزہ لیا گیا اور ان کے حل بشمول اختراعی طریقوں پر تبادلہ خیال کیا گیا۔

---------------

ہندوستان سماچار / عبدالسلام صدیقی