کولکاتا، یکم مارچ (ہ س) بھارتیہ جنتا پارٹی (بی جے پی) کے قومی صدر نتن نوین نے اتوار کو شمالی بنگال کے سلی گوڑی کے راس میلا میدان سے 'پریورتن یاترا' کا آغاز کیا۔

اس موقع پر انہوں نے کہا کہ عوامی جوش و خروش سے صاف ظاہر ہوتا ہے کہ مغربی بنگال کے لوگ اب مثبت تبدیلی چاہتے ہیں اور وزیر اعظم نریندر مودی کی قیادت میں مرکز میں ترقی پر مبنی حکومت کی توقع رکھتے ہیں۔

نتن نوین نے اپنے خطاب میں کہا کہ ریاست کے عوام ایسی حکومت چاہتے ہیں جو خود کو محض وعدوں تک محدود نہ رکھے، بلکہ زمین پر کام کرے اور لوگوں کی زندگیوں میں حقیقی تبدیلی لائے۔ انہوں نے دعویٰ کیا کہ ’پریورتن یاترا‘ کے لیے عوامی حمایت بنگال میں سیاسی تبدیلی کی شدید خواہش کا ثبوت ہے۔

بی جے پی کے قومی صدر نے کہا کہ یہ یاترا ریاست کے مختلف حصوں میں سفر کرے گی اور پارٹی کی پالیسیوں اور ترقی کے ایجنڈے کو پیش کرنے کے لیے عوام تک پہنچے گی۔ انہوں نے الزام لگایا کہ موجودہ ریاستی حکومت عوامی توقعات پر پورا نہیں اتری ہے، جبکہ بی جے پی ترقی، شفافیت اور اچھی حکمرانی کے مسائل کو لے کر عوام تک پہنچ رہی ہے۔

قابل ذکر ہے کہ بی جے پی آنے والے انتخابات کے پیش نظر تنظیمی سرگرمیاں تیز کر رہی ہے، اور ’پریورتن یاترا‘ کو اسی حکمت عملی کا حصہ سمجھا جا رہا ہے۔

پارٹی کا کہنا ہے کہ وہ مغربی بنگال میں ایسی حکومت فراہم کرنے کے لیے پرعزم ہے جو ریاست کی ہمہ جہت ترقی اور عوام کی فلاح و بہبود کے لیے وقف ہے۔

---------------

ہندوستان سماچار / عبدالسلام صدیقی