کانگریس لیڈر نے طیارہ حادثے کو مکمل سازش قرار دیاممبئی ، یکم مارچ (ہ س)۔ سابق نائب وزیر اعلیٰ اجیت پوار کے طیارہ حادثے سے متعلق جاری ہونے والی ابتدائی تفتیشی رپورٹ کے بعد کانگریس رہنما وجے وڈٹٹیوار نے بڑا بیان دیتے ہوئے کہا ہے کہ یہ واقعہ حادثہ نہیں بلکہ سوچی سمجھی سازش معلوم ہوتا ہے۔ ان کے مطابق رپورٹ میں طیارے کے زمین پر گرنے سے پہلے درخت سے ٹکرانے کا ذکر اس واقعے کو مشکوک بنا دیتا ہے۔انہوں نے واضح کیا کہ حادثے کے تقریباً ایک ماہ بعد منظر عام پر آنے والی 22 صفحات پر مشتمل رپورٹ میں کئی حیران کن باتیں سامنے آئی ہیں اور اس میں طیارے کے کریش ہونے کے طریقۂ کار کی تفصیل دی گئی ہے۔ اگر یہ کہا جا رہا ہے کہ طیارہ پہلے درخت سے ٹکرایا تو پھر اسے محض حادثہ قرار نہیں دیا جا سکتا۔اجیت پوار کے فضائی حادثے پر این سی پی (ایس پی) کے ایم ایل اے روہت پوار پہلے ہی مسلسل سوالات اٹھا رہے تھے، تاہم اب ابتدائی رپورٹ کے بعد دیگر سیاسی شخصیات کی جانب سے بھی شکوک ظاہر کیے جا رہے ہیں جس سے معاملہ مزید حساس ہو گیا ہے۔وڈٹٹیوار نے اپنے بیان میں کہا کہ دستیاب معلومات کو دیکھتے ہوئے یہ واقعہ مکمل طور پر منصوبہ بندی کا نتیجہ محسوس ہوتا ہے اور اس کی گہرائی سے جانچ ضروری ہے۔ابتدائی رپورٹ کے منظر عام پر آنے کے بعد سیاسی ماحول میں ہلچل پیدا ہوگئی ہے اور اس حادثے کی نوعیت پر نئی بحث شروع ہوگئی ہے۔ہندوستھان سماچار

ہندوستان سماچار / جاوید این اے