بھونیشور، 22 فروری (ہ س)۔

جھارسوگوڑا ضلع میں اتوار کی صبح ایک المناک سڑک حادثہ میں پانچ پولیس اہلکار ہلاک اور تین دیگر شدید زخمی ہوگئے۔ یہ حادثہ جھارسوگوڑا صدر پولیس اسٹیشن کے سامنے پیش آیا۔

ابتدائی معلومات کے مطابق پولیس کی گاڑی ڈیوٹی پر تھی کہ مخالف سمت سے آنے والے تیز رفتار ٹریلر سے ٹکرا گئی۔ ٹکر سے بولیرو گاڑی کو شدید نقصان پہنچا۔ پانچوں پولیس اہلکار موقع پر ہی دم توڑ گئے۔

مرنے والوں کی شناخت اے پی آر کے اہلکار کاشیرام بھوئی اور دیبدتا ایس، ڈرل سب انسپکٹر نرنجن کجور، اے پی آر حوالدار لنگراج دھروا اور ہوم گارڈ بھکت بندھو مردھا کے طور پر کی گئی ہے۔ ان کی اچانک موت نے ان کے اہل خانہ، عزیز و اقارب میں سوگ کی لہر دوڑ گئی ہے۔

تین دیگر پولیس اہلکار — دو اے پی آر اور ایک سارجنٹ — شدید زخمی ہوئے۔ انہیں فوری طور پر بچایا گیا اور جھارسوگوڑا ڈسٹرکٹ ہیڈکوارٹر اسپتال لے جایا گیا، جہاں ان کا علاج چل رہا ہے۔ اسپتال ذرائع کے مطابق ان کی حالت تشویشناک ہے اور انہیں کڑی نگرانی میں رکھا جا رہا ہے۔

ہندوستھان سماچار

ہندوستان سماچار / عطاءاللہ