سرینگر 22 فروری( ہ س)۔ایک ارٹیگا کیب جس میں آٹھ مسافر سوار تھے، جموں سری نگر قومی شاہراہ پر شیربی بی کے مقام پر حادثے کا شکار ہو گئی۔ ذرائع نے بتایا کہ زیر رجسٹریشن نمبر JK01AW-4650 والی گاڑی ہائی وے پر سفر کر رہی تھی کہ اس حادثے کا شکار ہو گئی جس کی تصدیق کی جا رہی ہے۔ مبینہ طور پر اس ٹیکسی میں سری نگر کے پادشاہی باغ علاقے سے ایک خاندان کے سات افراد کے ساتھ پلوامہ ضلع سے ایک اور مسافر سوار تھا۔ واقعے کے فوری بعد ریسکیو ٹیمیں اور مقامی پولیس موقع پر پہنچ گئی۔ تمام زخمیوں کو ابتدائی طبی امداد کے لیے ایس ڈی ایچ بانہال منتقل کیا گیا اور بعد میں مزید علاج کے لیے جی ایم سی سری نگر ریفر کیا گیا۔ پولیس نے واقعہ کا نوٹس لے لیا ہے اور ضروری کارروائی جاری ہے۔ ہندوستھان سماچار

ہندوستان سماچار / Aftab Ahmad Mir