امپھال، 21 فروری (ہ س)۔ منی پور پولیس نے گزشتہ 24 گھنٹوں میں الگ الگ مہموں میں تین افراد کو گرفتار کر کے ان کے قبضے سے بھاری مقدار میں منشیات، گاڑیاں اور دیگر سامان برآمد کیا۔
پولیس ترجمان نے ہفتہ کو بتایا کہ پہلی مہم میں امپھال ایسٹ ضلع کے ہینگانگ تھانہ علاقہ کے تحت خومیدوک مسجد ماننگ کے رہائشی محمد وارث خان (28) کو ممنوع ڈبلیو وائی ٹیبلٹ کے ساتھ گرفتار کیا گیا۔ اس کے قبضے سے ایک کالے رنگ کا تھری وہیلر آٹو (اے ایس-01 این سی-0846) اور 550 گرام وزنی ڈبلیو وائی ٹیبلٹ برآمد کی گئی۔
تیسری مہم میں سیکورٹی فورسز نے سیناپتی ضلع کے سیناپتی تھانے کے تحت ٹی کھولین ناکہ چیک پوائنٹ پر ایک چار پہیہ گاڑی کو روکا۔ جانچ کے دوران کاکچنگ ضلع کے ارونگ چیسابا میائی لیکائی کے رہائشی رہیش خان (22) اور مستقیم احمد (23) کو گرفتار کیا گیا۔
ان کے قبضے سے 48 صابن دانیوں میں چھپا کر رکھی گئی 660 گرام براون شوگر، ایک ہنڈائی آئی-20 کار (اے ایس-01 اے پی-0631)، دو موبائل فون اور دو آدھار کارڈ برآمد کیے گئے۔
پولیس کے مطابق دونوں معاملوں میں مزید جانچ جاری ہے۔
ہندوستھان سماچار
---------------
ہندوستان سماچار / انظر حسن
