نئی دہلی، 21 فروری (ہ س)۔ دہلی کے فن، ثقافت اور زبان کے وزیر کپل مشرا نے ہفتے کے روز کراول نگر میں اہم ترقیاتی منصوبوں کا سنگ بنیاد رکھا اور افتتاح کیا۔ اس موقع پر انہوں نے کہا کہ پچھلی حکومتوں کی واضح پالیسی اور ارادوں کی کمی کی وجہ سے دہلی ملک کی راجدھانی ہونے کے باوجود ترقی کی دوڑ میں بچھڑتی گئی ۔ خاص طور پر جمنا پار کے علاقوں اور دہلی کے دیہی علاقوں میں بنیادی سہولیات پر کام نہیں کیا گیا۔ پچھلے ایک سال میں، نظام مکمل طور پر پٹری پر آ گیا ہے اور آج پوری دہلی خدمت، اچھی حکمرانی اور انتودیا کی اسکیموں کا خیر مقدم کر رہی ہے۔
کپل مشرا نے کراول نگر کے دیال پور گاو¿ں میں بابا دیالا چوک سے سادت پور ایکسٹینشن گلی نمبر 6 تک اور کراول نگر گاو¿ں کے مرکزی بازار سے لال باغ منڈی تک آر سی سی سڑک کی تعمیر کا سنگ بنیاد رکھا۔ ان سڑکوں کی تعمیر سے مقامی باشندوں کے لیے آمدورفت میں آسانی ہوگی اور علاقے کا بنیادی ڈھانچہ مضبوط ہوگا۔
کپل مشرا نے توک میر پورنالے کی پلیا کی تعمیر نوکے کام کا بھی افتتاح کیا۔ یہ پروجیکٹ پانی کی نکاسی کو بہتر بنائے گا اور مانسون کے موسم میں پانی جمع ہونے کو کم کرے گا۔ انہوں نے علاقے میں ٹریفک کا بندوبست اور پانی کے انتظام کو بہتر بنانے کے لیے کالی گھٹہ روڈ، ویسٹ کروال نگر میں نالے کی پلیا کے تعمیرنو کے کام بھی افتتاح کیا۔
کپل مشرا نے کہا کہ گزشتہ ایک سال کے دوران کراول نگر میں متعدد ترقیاتی پروجیکٹوں کو نافذ کیا گیا ہے۔ اس سال 300 کروڑ روپے سے زیادہ کے ترقیاتی پروجیکٹوں پر کام شروع ہو چکا ہے۔ کراول نگر کی ہمہ گیر اور متوازن ترقی کے لیے اس سال کئی اہمپروجیکٹ شروع کیے جائیں گے۔ انہوں نے مزید کہا کہ مقامی باشندوں کی تجاویز اور تعاون سے دہلی کے ترقی یافتہ کراول نگر کے ہدف کی طرف کام مسلسل جاری ہے۔
ہندوستھان سماچار
ہندوستان سماچار / محمد شہزاد
