نئی دہلی، 21 فروری (ہ س)۔ راجدھانی میں زیر زمین’یوگے یوگین بھارت‘ میٹرو اسٹیشن کے تعمیراتی کام کی وجہ سے پنڈت پنت مارگ کا ایک حصہ 23 فروری سے عام ٹریفک کے لیے بند کر دیا جائے گا۔ دہلی پولیس ٹریفک نے ہفتہ کو ایک ایڈوائزری جاری کرتے ہوئے کہا کہ عام ٹریفک کی نقل و حرکت کوجی آر جی سرکل اور پی ایم سرکل کے درمیان پنڈت پنت مارگ پر روک دیا جائے گا۔ٹریفک پولیس کے مطابق پنڈت پنت مارگ (جی آر جی سرکل سے پی ایم سرکل تک) پر باقاعدہ گاڑیوں کو جانے کی اجازت نہیں ہوگی۔ گول ڈاک خانہ سے آنے والی گاڑیوں کو چرچ روڈ تک پہنچنے کے لیے ڈاکٹر بشمبر داس مارگ، گوردوارہ رکاب گنج روڈ، اور چرچ لین کا استعمال کرنا چاہیے۔ چرچ روڈ سے آنے والی گاڑیوں کو پنڈت پنت مارگ تک پہنچنے کے لیے گوردوارہ رکاب گنج روڈ، تالکٹورہ روڈ اور چرچ لین کا استعمال کرنا چاہیے۔

ٹریفک پولیس نے لوگوں کو متبادل راستوں کے طور پر سنسد مارگ، پٹیل چوک گول چکر، اشوکا روڈ، بابا کھڑک سنگھ مارگ، بشمبر داس روڈ، گرودوارہ رکاب گنج روڈ اور مہادیو روڈ کا استعمال کرنے کا مشورہ دیا ہے۔ پولیس نے لوگوں سے اپیل کی ہے کہ اگر ممکن ہو تو متاثرہ راستوں سے گریز کریں اور پبلک ٹرانسپورٹ کا زیادہ سے زیادہ استعمال کریں۔ اس سے ٹریفک جام کو کم کرنے میں مدد ملے گی۔آئی ایس بی ٹی، ریلوے اسٹیشن، اور ہوائی اڈے کی طرف جانے والے مسافروں کو کافی وقت کے ساتھ نکلنے کا مشورہ دیا گیا ہے۔اس طرح ٹریفک اپڈیٹس حاصل کریں۔لوگ ٹریفک کی تازہ ترین معلومات کے لیے دہلی ٹریفک پولیس کی آفیشل ویب سائٹ اور سوشل میڈیا پلیٹ فارم چیک کر سکتے ہیں۔ ہیلپ لائن نمبر 1095 اور 011-25844444 پر بھی رابطہ کیا جا سکتا ہے۔

ہندوستھان سماچار

ہندوستان سماچار / Mohammad Khan