نئی دہلی، 21 فروری (ہ س)۔

ہفتہ کی صبح مغربی دہلی کے تلک نگر تھانہ علاقے میں ایک المناک سڑک حادثے میں ایک 25 سالہ شخص کی موت ہو گئی۔ یہ واقعہ نجف گڑھ روڈ پر راجوری گارڈن کی طرف جانے والی لین میں سبھاش نگر میٹرو ریڈ لائٹ کے قریب پیش آیا۔

پولس کے مطابق تلک نگر پولیس اسٹیشن کو صبح 3:26 بجے پی سی آر کال کے ذریعہ حادثہ اور ایک نوجوان کے زخمی ہونے کی اطلاع ملی۔ اطلاع ملتے ہی پولیس کی ایک ٹیم جائے وقوعہ پر پہنچی۔ جائے وقوعہ پر دونوں گاڑیوں کو نقصان پہنچا۔

حادثے میں زخمی نوجوان کی شناخت ہیم شنکر (25) ساکن رگھوبیر نگر کے طور پر ہوئی ہے۔ پولیس اسے فوری طور پر دین دیال اپادھیائے اسپتال لے گئی جہاں ڈاکٹروں نے اسے مردہ قرار دے دیا۔ وہ ای اسکوٹر پر سوار تھا اور ایک پرائیویٹ ڈیلیوری کمپنی میں کام کرتا تھا۔ ایک پولیس افسر کے مطابق، ابتدائی تحقیقات سے پتہ چلا ہے کہ پیچھے سے آنے والی ورنا کار نے ای اسکوٹر کو ٹکر ماری۔ ٹکر اتنی شدید تھی کہ نوجوان شدید زخمی ہو گیا۔ پولیس نے ڈرائیور موہت کمار (27) کو نجف گڑھ سے اور ایم سی ڈی کے ایک ٹھیکیدار کو گرفتار کر لیا۔ حادثے میں ملوث کار کو قبضے میں لے لیا گیا ہے۔ تعزیرات ہند کی متعلقہ دفعات کے تحت ایف آئی آر درج کی گئی ہے، اور مزید قانونی کارروائی جاری ہے۔ پولیس حادثے کے وقت گاڑی کی رفتار اور ڈرائیور نشے میں تھا یا نہیں اس کی بھی تفتیش کر رہی ہے۔

ہندوستھان سماچار

ہندوستان سماچار / عطاءاللہ