میلبورن، 20 جنوری (ہ س)۔ امریکی لیجنڈ وینس ولیمز اور روس کی ایکٹرینا الیگزینڈرووا آسٹریلین اوپن 2026 کے ویمنز ڈبلز کے پہلے راؤنڈ میں باہر ہو گئیں۔امریکی-روسی جوڑی کو فرانس کی ایلسا جیکووماٹ اور کولمبیا کی ایمیلیانا ارانگو کی جوڑی کے ہاتھوں 6-3 (3)، 6-4 سے شکست کا سامنا کرنا پڑا۔

اس شکست سے میلبورن پارک میں وینس کی مہم ختم ہو گئی۔ اس سے قبل، دو بار کی آسٹریلین اوپن کی فائنلسٹ وینس ویمنز سنگلز کے پہلے راؤنڈ میں اولگا ڈینیلووک کے خلاف ہار کرباہر ہو گئی تھیں۔ یہ 2021 کے بعد میلبورن پارک میں وینس کا پہلا مظاہرہ تھا اور 2023 کے بعد رامریکہ کے باہر پہلا ٹورنامنٹ تھا۔

سات بار کی گرینڈ سلیم جیتنے والی وینس، جنہیں ٹورنامنٹ میں وائلڈ کارڈ دیا گیا تھا، آسٹریلین اوپن میں مین ڈرا میں کھیلنے والی سب سے معمر خاتون بن گئیں۔ اس سے قبل یہ ریکارڈ جاپان کی کیمیکو ڈیٹ کے نام تھا جو 2015 میں 44 سال کی عمر میں پہلے راؤنڈ میں ہار گئی تھیں۔

وینس نے آسٹریلین اوپن میں دو بار فائنل کھیلا، 2001 میں سیمی فائنل اور چھ بار کوارٹر فائنل تک پہنچیں۔ ان کا ٹورنامنٹ ریکارڈ 54-21 رہاہے۔ اس کے علاوہ، انہوں نے میلبورن میں چار بار خواتین کا ڈبلز خطاب — 2001، 2003، 2009، اور 2010 میں اپنی بہن سرینا ولیمز کے ساتھ اور 1998 میں جسٹن گیملسٹوب کے ساتھ مکسڈ ڈبلز کا خطاب بھی اپنے نام کیا۔

16 ماہ کے بریک کے بعد، وینس جولائی 2025 میں ٹینس میں واپس آئیں، تین ٹورنامنٹ کھیلے۔ انہوں نے موادالا سٹی ڈی سی اوپن کے پہلے راو¿نڈ میں ہم وطن کھلاڑی پیٹن اسٹیرنز کو 6-3، 6-4 سے شکست دی، لیکن پھر میگdالینا فریچ سے ہار گئیں۔

اگست میں، وینس سنسناٹی میں پہلے راو¿نڈ میں اسپین کی جیسیکا بوزاس-مانیرو سے 4-6، 4-6 سے ہار گئیں، اور یو ایس اوپن میں 11ویں سیڈ کیرولینا موچووا کو تین سیٹس تک چیلنج پیش کیا۔ڈبلز میں، وہ لیلاہ فرنانڈیز کے ساتھ کوارٹر فائنل میں پہنچیں، جہاں وہ حتمی فائنلسٹ کیٹیرینا سینیاکووا اور ٹیلر ٹاو¿ن سینڈ سے ہار گئیں۔

مجموعی طور پر وینس ولیمز کے نام سنگلز اور ڈبلز سمیت 23 گرینڈ سلیم خطاب ہیں۔

ہندوستھان سماچار

ہندوستان سماچار / محمد شہزاد