اکشے کمار کے سیکیورٹی قافلے کی گاڑی آٹو سے ٹکرائیممبئی ، 20 جنوری (ہ س)۔ بالی ووڈ اداکار اکشے کمار کے سیکورٹی قافلے کی ایک گاڑی ممبئی میں سڑک حادثے کا شکار ہو گئی۔ یہ واقعہ 20 جنوری کو اس وقت پیش آیا جب اکشے کمار اپنی اہلیہ ٹونکل کھنہ کے ساتھ جوہو میں واقع اپنے گھر واپس جا رہے تھے۔ حادثے کے باعث علاقے میں کچھ دیر کے لیے افراتفری کی صورتحال پیدا ہو گئی، تاہم کسی بڑے جانی یا مالی نقصان کی اطلاع نہیں ہے۔اطلاعات کے مطابق سیکورٹی قافلے میں شامل تیز رفتار مرسڈیز گاڑی ایک آٹو رکشہ سے ٹکرا گئی، جس کے نتیجے میں آٹو کا توازن بگڑ گیا اور وہ اکشے کمار کی سیکورٹی ایس یو وی سے جا ٹکرایا۔ یہ حادثہ جوہو کے سلور بیچ کیفے کے قریب پیش آیا، جس کے باعث وہاں ٹریفک کچھ وقت کے لیے متاثر رہی۔حادثے کے فوراً بعد اکشے کمار خود اپنی گاڑی سے باہر نکلے اور جائے حادثہ پر موجود لوگوں کی مدد کے لیے آگے آئے۔ اس سڑک حادثے میں ایک شخص کے زخمی ہونے کی اطلاع ہے، جسے فوری طور پر مدد فراہم کی گئی۔ پولیس ذرائع کے مطابق صورتحال کو جلد ہی قابو میں کر لیا گیا اور متاثرہ گاڑیوں کو ہٹانے کے بعد ٹریفک کی آمد و رفت معمول پر آ گئی۔ہندوستھان سماچار--------------------

ہندوستان سماچار / جاوید این اے