سیکورٹی فورسز نے کٹھوعہ کے بلوار میں دہشت گردوں کے ٹھکانے کا پردہ فاش کیا

جموں، 16 جنوری (ہ س)۔ ضلع کٹھوعہ کے بلوار سیکٹر میں کامد نالہ کے قریب واقع جنگلاتی علاقے میں سیکورٹی فورسز نے تلاشی مہم کے دوران دہشت گردوں کے ایک ٹھکانے کو تباہ کرکے اہم کامیابی حاصل کی ہے۔

سینئر پولیس افسر نے بتایا کہ اسپیشل آپریشنز گروپ (ایس او جی) کوگھ منڈلی، بلوار کی ٹیم نے معمول کی سرچ آپریشن کے دوران اس خفیہ ٹھکانے کا سراغ لگایا۔ کارروائی کے دوران موقع سے کئی قابلِ اعتراض اشیا برآمد کی گئیں۔ انہوں نے مزید کہا کہ علاقے میں نگرانی مزید سخت کر دی گئی ہے جبکہ برآمد شدہ سامان کے حوالے سے تفصیلی تفتیش جاری ہے۔

ہندوستھان سماچار

---------------

ہندوستان سماچار / محمد اصغر