سنبھل، 14 جنوری (ہ س)۔ اترپردیش کے سنبھل ضلع تشدد کیس میں سی جے ایم کورٹ نے اس وقت کے سی او انوج چودھری اور انسپکٹر انوج تومر سمیت 20 سے زیادہ پولیس اہلکاروں کے خلاف ایف آئی آر درج کرنے کا حکم دیا ہے۔ سنبھل ضلع کے صدر کوتوالی علاقے میں واقع شاہی جامع مسجد کے دوسرے سروے کے دوران 24 نومبر 2024 کو ہوئے تشدد کے دوران گولی مار کر ہلاک کیے جانے والے نوجوان کے والد کی درخواست پر سی جے ایم کورٹ کے جج وبھانشو سدھیر نے اس وقت کے سی او کوتوالی انچارج انوج چودھری اور انسپکٹر انوج تومر سمیت 20 سے زیادہ پولیس اہلکاروں کے خلاف ایف آئی آر درج کرنے کا حکم دیا ہے۔

سنبھل تشدد کیس میں چندوسی سی جے ایم عدالت نے اس وقت کے سی او انوج چودھری اور انسپکٹر انوج تومر کے ساتھ 20 سے زیادہ دیگر پولیس افسران کے خلاف ایف آئی آر درج کرنے کا حکم دیا ہے۔ یہ حکم زخمی نوجوان عالم کے والد یامین کی جانب سے دائر درخواست پر دیا گیا۔ درخواست گزار نے الزام لگایا کہ عالم کو گولی ماری گئی۔

اتر پردیش کے سنبھل میں تشدد سے متعلق معاملے نے عدالت کے حکم کے بعد نیا موڑ لے لیا ہے۔ چندوسی کے چیف جوڈیشل مجسٹریٹ (سی جے ایم) وبھانشو سدھیر نے تشدد میں زخمی ہونے والے نوجوان کے والد یامین کی درخواست پر اس وقت کے سی او انوج چودھری اور انسپکٹر انوج تومر سمیت 20 سے زیادہ دیگر پولیس اہلکاروں کے خلاف ایف آئی آر درج کرنے کا حکم دیا ہے۔

درخواست میں الزام لگایا گیا ہے کہ عالم نامی نوجوان کو اس وقت گولی ماری گئی جب وہ باہر سامان فروخت کر رہا تھا۔ یامین نے اپنی عرضی میں اس وقت کے سی او انوج چودھری اور سنبھل صدر پولس اسٹیشن کے اس وقت کے انسپکٹر انوج تومر سمیت 20 سے زیادہ دیگر پولیس والوں کو ملزم بنایا اور مطالبہ کیا کہ ان کے خلاف مقدمہ درج کیا جائے۔ عدالت نے تمام حقائق کا جائزہ لینے کے بعد پولیس اہلکاروں کے خلاف ایف آئی آر درج کرنے کا حکم جاری کیا۔

درخواست گزار کے وکیل قمر حسین نے کہا کہ درخواست گزار یامین کی درخواست پر سماعت کرتے ہوئے سی جے ایم کورٹ کے جج نے اس وقت کے سی او انوج چودھری اور اس وقت کے سنبھل کوتوالی انچارج انوج تومر کے ساتھ 20 سے زیادہ دیگر پولیس افسران کے خلاف ایف آئی آر درج کرنے کا حکم دیا۔ مقدمہ بھی درج کیا جائے اور سات دن میں عدالت کو آگاہ کیا جائے۔

---------------

ہندوستان سماچار / عبدالسلام صدیقی