ڈھاکہ، 13 جنوری (ہ س)۔ بنگلہ دیش میں کاکس بازار کے مہیش کھالی ذیلی ضلع کے ماتار باڑی تھرمل پاور پلانٹ کے اسکریپ (کچرا) اسٹوریج میں آگ لگ گئی۔ فائر بریگیڈ اور سول ڈیفنس ڈپارٹمنٹ کو آگ بجھانے میں کافی مشقت کرنی پڑی۔ پلانٹ کے افسران کا کہنا ہے کہ آگ لگنے کی وجوہات کی جانچ کرانے کے احکامات دے دیے گئے ہیں۔

’ڈھاکہ ٹربیون‘ اخبار کی رپورٹ کے مطابق، پلانٹ کے کچرا اسٹوریج میں آگ پیر کی رات تقریباً 9.15 بجے لگی۔ مہیش کھالی فائر بریگیڈ اور سول ڈیفنس ڈپارٹمنٹ کے سینٹر انچارج رام پرساد سین نے بتایا کہ آگ پلانٹ کے کچرا اسٹوریج میں لگی۔ اطلاع ملتے ہی ملازمین کو وسائل کے ساتھ بھیجا گیا۔ تقریباً دو گھنٹے میں آگ بجھا دی گئی۔

مقامی لوگوں نے بتایا کہ انہوں نے پلانٹ کے پاس واقع ایک پل سے پاور پلانٹ کے اندر آگ کے شعلے دیکھے۔ مہیش کھالی ذیلی ضلع افسر عمران محمود ڈالم نے بتایا کہ آگ رات تقریباً 8.45 بجے پاور پلانٹ کی پروڈکشن یونٹ کے پاس لگی۔ کچھ ہی دیر بعد اس پر قابو پا لیا گیا۔ پروڈکشن پلانٹ پر کوئی اثر نہیں پڑا۔

ہندوستھان سماچار

ہندوستان سماچار / انظر حسن