نئی دہلی،07 دسمبر (ہ س)۔

دہلی کی معروف غیرسرکاری رجسٹرڈ تنظیم الحکمہ فاﺅنڈیشن نے اپنے ہیڈ کواٹر واقع ذاکر نگر میں30 نومبر اور آج بتاریخ 7 دسمبر 2025 کو اپنی جییت پور میں واقع یونٹ پر ھمدرد فاﺅنڈیشن کے فراہم کردہ کمبلوں کو ضرورت مندوں میں تقسیم کیا۔ ھمدرد فاﺅنڈیشن نے گزشتہ سالوں کی ہی طرح ہی اس سال بھی الحکمہ فاﺅنڈیشن کو 1500کمبل فراہم کیے تھے۔

کمبلوں کو ضرورت مندوں تک پہنچانے کے لئے فاﺅندیشن نے اپنے ممبران جو کہ دہلی کے مختلف علاقوں میں رہتے ہیں شامل کیا تاکہ یہ کمبل مستحقین تک پہنچ سکیں۔ اس مہم میں فاﺅنڈیشن کے سرکردہ ممبران جو کہ ذاکر نگر، بٹلہ ہاﺅس، خضرا باد، تیمور نگر، اوکھلا وہار، ابوالفضل، سرتا واہار، مدن پور کھادر، جیت پور، حوض رانی، گھونڈہ غیرہ رہتے ہیں انہوں نے پوری محنت سے ضرورت مندوں کی نشاندہی کی اورپروگرام کے دوران ان میں کمبل تقسیم کئے۔

ذاکر نگر میں اپنے مرکزی دفتر میںاور فاﺅنڈیشن کی جیت پور یونٹ میں کمبلوں کی تقسیم کا پروگرام انعقاد کیا گیا۔ اس میں فاﺅنڈیشن کے سکرٹری جناب سید شعیب احمد نے لوگوں کو فاﺅنڈیشن کے مختلف کاموں سے متعارت کرایا اور اپیل کی کہ وہ فاﺅنڈیشن کی سبھی فلاہی اسکیموں سے فائدہ اٹھائیں اور تعلیم یافتہ ہوکر ملک اور قوم کی خدمت کریں۔ اس موقع پر جیت پور یونٹ میں فاﺅنڈیشن کے سلائی قڑہائی سینٹر کا ذکر کرتے ہوئے انہوں نے بتایا کہ اس وقت وہاں ایک اچھی تعداد میں علاقہ کی خواتین سلائی کٹائی سیکھ رہی ہیں اور انھوں نے امید ظاہر کی کہ وہ بہت جلد خودکفیل بن جائیں گی۔ اس کے علاوہ انھوں نے فاﺅنڈیشن کے ذریعہ چلائے جا رہے دار المطالعہ، کمپیوٹر سینٹر اور کوچنگ کابھی ذکر کیا اور ان سبھی سے ان سہولیات سے فائدہ اٹھانے کی درخواست کی۔ اس موقعہ پر فاﺅنڈیشن کے سرکرہ ممبر جناب پروفیسر عبدالرحیم صاحب نے بولتے ہوئے کہا کہ الحکمہ فاﺅنڈیشن ایک ایسا ادارہ ہے جس کو فاﺅنڈیشن کے ممبران اپنے خود کے عطیہ اور کچھ دوسرے صاحب خیر حضرات کے چندہ سے چلاتے ہیں اور اس کی کے لئے کوئی سرکاری یا باہر سے کوئی مدد نہیں لی جاتی ہے۔ انہوں نے اس موقع پر ھمدرد فاﺅنڈیشن (ایم۔آر۔ای۔ سی) کا شکریہ ادا کیا اور بانی ھمدرد فاﺅنڈیشن مرحوم حکیم عبدلحمید کے لئے دعا کی کہ اللہ انکی مغفرت فرمائے اور انکو جنت الفردوس میں اعلا مقام عطا فرمائے۔ آمین۔ہمدرد فاﺅنڈیشن کے علاوہ کمبلوں کی فراہمی میں دیگر معاونین کا بھی شکریہ ادا کیا۔ اس مہم میں جن لوگوں نے بڑھ چڑھ کر حصہ لیا ان کے نام اس طرح ہیں، ڈاکٹر محسن، ڈاکٹر ریحان ندوی، نجم خان ندویی، دانش ندوی، ڈاکٹر رفیع احمد، ثاقب یاسین، سعود عالم، جناب راحت سلطان، جناب افروز احمد، مصطفی عالم، سہیل احمد، آرکیٹیکٹ آصف فرقان، ریحان افروز اور جاوید وغیرہ ہیں۔ہندوستھان سماچار

ہندوستان سماچار / Mohammad Khan