کولکاتہ، 6 دسمبر (ہ س):۔

ہمایوں کبیر نے پہلے سے اعلان کردہ شیڈول کے مطابق ہفتہ کی سہ پہر مغربی بنگال کے مرشد آباد کے بیلڈانگا میں مجوزہ بابری مسجد کا سنگ بنیاد رکھا۔ تاہم، اس واقعہ کی وجہ سے قومی شاہراہ 12 (سابقہ نمبر 34) پر بڑے پیمانے پر ٹریفک متاثر ہوا۔صبح تقریباً گیارہ بجے سے بڈوا موڑ سے ریجی نگر تک سڑک پر گاڑئیوں کی رفتار ٹھہر گئی دوپہر تک کولکاتہ جانے والی سڑک پر لمبی قطاریں لگ گئیں۔ جبکہ سلی گوڑی جانے والی لین میں نسبتاً کم بھیڑ تھی، گاڑیاں بہت آہستہ چل رہی تھیں، جس کی وجہ سے مسافروں کو خاصی تکلیف ہو رہی تھی۔

انتظامی ذرائع کے مطابق شام سے پہلے ٹریفک معمول پر آنے کا امکان نہیں ہے۔ چونکہ سنگ بنیاد رکھنے کی جگہ قومی شاہراہ سے تقریباً 300 سے 400 میٹر کے فاصلے پر ہے، اس لیے بڑی تعداد میں لوگ سڑک کے ذریعے تقریب میں شرکت کے لیے آئے۔ سڑک کے کنارے کھڑی گاڑیوں کی بڑی تعداد کی وجہ سے بہت سے لوگ تقریباً 7 سے 8 کلو میٹر پیدل چل کر پنڈال تک پہنچے۔ کچھ سڑک کے قریب کھیتوں سے ہوتے ہوئے وہاں پہنچے۔ کئی لوگوں کو سڑک پر مسجد کی تعمیر کے لیے اینٹیں اٹھاتے ہوئے دیکھا گیا۔ صورتحال کے پیش نظر انتظامیہ نے پہلے ہی متعدد گاڑیوں کو پلاشی سے متبادل راستوں کی طرف موڑ دیا تھا تاہم اس کے باوجود ٹریفک جام پر مکمل طور پر قابو پانا مشکل رہا۔

ہندوستھان سماچار

ہندوستان سماچار / عطاءاللہ