مرشد آباد، 6 دسمبر (ہ س)۔ مرشد آباد میں بابری مسجد کا سنگ بنیاد رکھنے کی تقریب سے عین قبل ترنمول کے معطل ایم ایل اے ہمایوں کبیر نے وزیر اعلیٰ ممتا بنرجی پر بڑا سیاسی حملہ کرتے ہوئے پوچھا کہ 15 سالوں میں اقلیتوں کو کیا ملا؟ایم ایل اے ہمایوں کبیر نے کہا کہ 2011 میں ریاست کی اقلیتی آبادی کی اکثریت نے ممتا بنرجی پر اپنا اعتماد ظاہر کیا اور انہیں اقتدار میں لایا۔ لیکن، ان کے مطابق، وزیر اعلیٰ نے’مسلسل جھوٹ بولا‘ اور’انتہائی تکبر‘ کا مظاہرہ کیا۔انہوں نے کہا،وزیراعلیٰ جو بھی کرتے ہیں وہ ٹھیک ہے، باقی سب غلط ہے۔ ممتا بنرجی اتنی مغرور ہو گئی ہیں، انہیں وزیر اعلیٰ بنا کر اقلیتوں کو کیا حاصل ہوا؟

قابل ذکر ہے کہ ترنمول کانگریس نے حال ہی میں ہمایوں کبیر کو پارٹی سے غیر معینہ مدت کے لیے مسجد کی تعمیر کے اعلان سے متعلق تنازعہ کے درمیان معطل کر دیا تھا۔ اس کے بعد سے انہوں نے پارٹی اور وزیر اعلیٰ کے خلاف سخت موقف اختیار کیا ہے۔ہمایوں کبیر نے کہا،’بنگال میں 37 فیصد اقلیتیں ہیں۔ ممتا بنرجی ان کے ووٹوں سے وزیر اعلیٰ بنی، اب وہ اتنی مغرور ہو گئی ہیں۔ میں انہیں سابق وزیر اعلیٰ بناو¿ں گا۔ یہ یقینی ہے۔‘

قابل ذکر ہے کہ ہمایوں کبیر نے اعلان کیا ہے کہ وہ اپنی نئی پارٹی بنائیں گے اور مغربی بنگال کی 90 اقلیتی اکثریتی نشستوں سمیت کل 135 اسمبلی سیٹوں پر امیدوار کھڑے کریں گے۔انہوں نے کہا کہ ہم اسمبلی میں جائیں گے، ضرورت پڑی تو اپوزیشن میں بیٹھیں گے، حکومت سے اقلیتوں کے حقوق کا مطالبہ کریں گے، ہم ایک ایک انچ کا حق لیں گے۔انہوں نے واضح کیا کہ ان کی لڑائی مسلمانوں کے منصفانہ حقوق کے لیے ہوگی۔ہمایوں کبیر کا بیلڈنگا (مرشد آباد) میں بابری مسجد کی تعمیر کا اعلان پارٹی کو اچھا نہیں لگا۔ ترنمول کانگریس نے اسے فرقہ وارانہ سیاست قرار دیتے ہوئے انہیں معطل کر دیا۔تاہم اس کے باوجود ہمایوں کبیر مسجد بنانے کے اپنے فیصلے پر قائم ہیں۔

ہندوستھان سماچار

ہندوستان سماچار / Mohammad Khan