پٹنہ، 5 دسمبر (ہ س)۔ بہار کے نائب وزیر اعلیٰ اور وزیر داخلہ سمراٹ چودھری نے اعلان کیا کہ سہرسہ ضلع کے سمری بختیار پور سب ڈویزن میں سب جیل کی نئی عمارت کی تعمیر کے لیے 25 ایکڑ اراضی حاصل کی جائے گی۔ اس پروجیکٹ کے لیے تقریباً 17.29 کروڑ روپے کا معاوضہ مقرر کیا گیا ہے۔وزیر داخلہ سمراٹ چودھری نے جمعہ کے روز کہا کہ 2025-26 مالی سال میں اس پروجیکٹ کے لیے 30 کروڑ روپے کا بجٹ دستیاب ہے۔ اراضی کے حصول اور معاوضے کی ادائیگی کی ذمہ داری ضلع مجسٹریٹ سہرسہ کو سونپی گئی ہے اور اخراجات محکمہ خزانہ کے ضوابط کے مطابق کیے جائیں گے۔سمراٹ چودھری نے کہا کہ یہ پروجیکٹ جیل انتظامیہ کی کارکردگی میں اضافہ کرے گا اور سہرسہ ضلع میں سیکورٹی کو مضبوط کرے گا۔ ریاستی حکومت پورے عمل کو شفافیت اور بروقت انجام دے گی، علاقائی انتظامی اصلاحات اور ترقی میں تیزی آئے گی۔

ہندوستھان سماچار

ہندوستان سماچار / Mohammad Afzal Hassan