بنگلورو، 5 دسمبر (ہ س):۔

انڈیگو کی پروازوں میں تکنیکی اور آپریشنل رکاوٹوں کی وجہ سے، جمعہ کو بنگلورو کے کیمپے گوڑا بین الاقوامی ہوائی اڈے پر کل 102 پروازیں منسوخ کردی گئیں۔ ان میں 50 روانگی اور 52 آنے والی پروازیں شامل تھیں۔ مزید برآں، 30 سے زائد پروازیں تاخیر کا شکار ہوئیں، جس سے مسافروں کو کافی پریشانی کا سامنا کرنا پڑا۔

اپنی پروازوں کی اچانک منسوخی سے پریشان مسافروں نے انڈیگو کے کاو¿نٹر پر احتجاج کیا۔ ہوائی اڈے پر پولیس کی اضافی نفری تعینات کر دی گئی ہے اور حالات کو قابو سے باہر ہونے سے روکنے کے لیے سخت حفاظتی انتظامات کیے گئے ہیں۔

پرواز میں تاخیر کی وجہ سے آمد کے دروازوں پر مسافروں کی کمی صاف نظر آرہی تھی اور عام طور پر پرہجوم علاقے آج ویران تھے۔ مسافروں کی کمی نے ایسی صورتحال پیدا کر دی ہے کہ ٹیکسی ڈرائیوروں کو کرایہ وصول کرنے میں مشکلات کا سامنا ہے۔ گزشتہ تین دنوں میں بی ایم ٹی سی کی وصولی میں بھی زبردست کمی آئی ہے، جس سے بس ڈرائیوروں کو مسافروں کا انتظار کرنا پڑا۔

ہندوستھان سماچار

ہندوستان سماچار / عطاءاللہ