سرینگر 29 دسمبر (ہ س)۔ نیشنل کانفرنس کے سرپرست ڈاکٹر فاروق عبداللہ نے آنے والے سال کے لیے امید کا اظہار کرتے ہوئے کہا کہ لوگوں کو امید ہے کہ نیا سال مشکلات سے نجات، امن اور خوشحالی لائے گا، انہوں نے مزید کہا کہ سیاحت کو پرامن ماحول میں فروغ دینا چاہیے۔ بنگلہ دیش کی صورتحال پر تبصرہ کرتے ہوئے انہوں نے کہا کہ دونوں ہمسایہ ممالک کے درمیان دوستانہ اور برادرانہ تعلقات ضروری ہیں۔ انہوں نے کہا کہ وہاں انتخابات ہو رہے ہیں اور امید ظاہر کی کہ نئی حکومت کے قیام کے بعد نئی دہلی اور ڈھاکہ تعاون کی نئی راہیں تلاش کریں گے۔ اس دوران فاروق عبداللہ نےکشتواڑ کے ایک ویڈیو پر ردعمل ظاہر کرتے ہوئے جس میں مساجد اور مذہبی اسکولوں پر پتھراؤ کیا گیا ہے، انہوں نے کہا کہ ایسے منفی عناصر ہر معاشرے میں موجود ہیں۔ انہوں نے اس بات پر زور دیا کہ ہندوستان ایک سیکولر ملک ہے جہاں تمام مذاہب کو آئین کے تحت مساوی حقوق حاصل ہیں اور حکام پر زور دیا کہ وہ ان اقدار کو برقرار رکھیں۔ہندوستھان سماچار

ہندوستان سماچار / Aftab Ahmad Mir