علی گرھ، 29 دسمبر (ہ س)۔

جشن یومِ جمہوریہ کے تحت علی گڑھ مسلم یونیورسٹی کے احمدی اسکول برائے نابینا طلبہ میں حب الوطنی پر مبنی سرگرمیوں کا ایک سلسلہ منعقد کیا گیا جو مائی جی او وی پورٹل پر 27 نومبر سے 24 دسمبر 2025 تک منعقد ہونے والے مقابلوں کے ساتھ ہم آہنگ تھا۔ جشن یوم جمہوریہ کے پروگراموں کا یہ سلسلہ 26 جنوری 2026 کو اختتام پذیر ہوگا۔

طلبہ میں شہری شعور کو فروغ دینے کے لیے اسکول میں قومی اقدار اور آئینی نظریات پر مبنی مضمون نویسی مقابلہ اور آن لائن کوئز مقابلہ منعقد کیا گیا۔ ایک نمایاں پروگرام وندے ماترم پر خصوصی گائیکی مقابلہ تھا، جس میں طلبہ نے مادرِ وطن سے محبت اور عقیدت کا اظہار کرتے ہوئے دل سوز نغمے پیش کیے۔ حب الوطنی کے جذبے پر زور دیتے ہوئے ایک دیگر پروگرام منعقد کیا گیا، جس میں طلبہ کو اس گیت کی تاریخی اور قومی اہمیت سے آگاہ کیا گیا۔

تمام سرگرمیاں پرنسپل ڈاکٹر نائلہ رشید کی رہنمائی میں انجام پائیں، جبکہ پی جی ٹی کیمسٹری اور ایونٹ انچارج محترمہ رضیہ بانو نے پروگرام مربوط کیا۔

ہندوستھان سماچار

ہندوستان سماچار / سید کامران علی گڑھ